好面善喎？! 係呀，我就是那位成曰係有線、Now台樓盤節目出鏡, 經常帶帽的室內設計師呀。大家好? 有睇開樓市雜誌的, 更會常見到我的專欄訪問及評論。 但呢個係扮靚網站Blog, 又與我何干呢? 大家既為同道貪靚人, 其他Blogger 講緊衣、食、行點樣扮靚時, 「住」又怎能三缺一呢? 係人都知物價當中, 尤以「住」最貴, 同情小業主們已捱貴租供貴樓, 積蓄可算全都交了首期才可上車, 怎會有錢裝修, 仲點敢想住靚d? 太妙想天開了嗎! 記得今年初CableTV 首季一輯特備環節， 替觀眾狠狠把designer 眨了落凡間- 幫人花小本去粉飾家居， 兼要在一天內把家居大變身, 又鋸又鑽, 真是乜板斧都出齊； 接連我再應邀拍了兩集真人騷「夢想成真」- 義助一位殘障女士重投社會，用有限$5,000 蚊裝飾公屋, 建個家。 又搬又抬，有汗有淚...自此，我的帽上就獲加晃了個光環。 個人而言, 設計平民化了沒相干! 但我不要平凡啊! 所以這回我不在這Blog講點揀靚盤筍盤, 更不推介天價豪裝; 而只是同大家分享貪靚同扮靚屋的貼士; 我不是魔術師, 所以不懂把二百尺單位變二千尺。 但我卻會把蝸居變窩居。 無錢裝修, 就要靠設計裝飾配襯, 花心思搭救嘛! 加上我一直支持3R (Reduce, Reuse, Recycle) 環保兼DIY家居的。 肯定限量自家製兼無價! 攪創作的人, 都屬性情中人, 常帶著感性眼看世界; 所以談設計以外, 我又會在這Blog 盡情分享一下我的生活歪理怪論及點滴。 咁大個理由及期望, 你又豈可不俾個Like 支持下我呢?
