每次去韓國我都一定會去Trick Eye Museum玩，一有新圖我都必定會去，但成日都好想香港都有韓國既立體美術館，可以同埋父母一齊玩，因為父母每次都只係有得睇相，無得玩。等左咁耐，香港終於有Trick Eye Museum喇，我呢個超級瘋狂fans一定要黎潮聖，好，先黎睇下今次香港呢個立體美術館同過往在韓國玩既美術館有咩唔同先！ Trick Eye Museum選址於山頂廣場3樓，亦成為香港的新旅遊景點。 開放時間每天朝十晚十，幾時黎都得，新張期內更會以半價入場費吸引香港居民！ 嘻嘻！ 點擊圖片放大 好，先黎第一個主題「秘密花園」，色彩繽紛，真係靚到「嘩！」一聲，唔知點影唔緊要，看到地上貼了「最佳拍攝點」，踏上去拍攝便可拍到最佳影像喇！唔識擺pose？唔緊要，每幅圖都有附圖教你點擺pose，當然，你自己所創作既pose會更加特別啦！如果你想搵人幫你地影相，只有搵穿紅色tee的工作人員就得喇，佢地好nice，仲會教你地擺pose添！ 點擊圖片放大 點擊圖片放大 +2 在第一個主題區已經令我覺得香港既美術館已經不是韓國所玩過的3D美術館，而是4D，加入好多立體展品，不再是只與立體畫作配合，令你更加投入，影出黎既相更靚，例如蓮花是真的可以整個人坐上去架！我個人認為，呢度只係熱身，因為，之後既主題區難度更高！ 熱身完畢，黎到第二個主題「名畫世界」，let's go!!! 喂，兄弟，救我呀，叫緊你呀，你聽唔聽到呀？ 同蒙羅麗莎一齊合照，只有呢度先至有，黎，一齊笑~~~!!! 唔好睇少佢，佢拎住既電話真係會閃燈架，而佢真係會單眼添！ 個木桶真係可以行入去，但係起身好困難，要搵朋友拉你起身！ 你隻船相當有嫌疑，有個畫家在船上繪畫中，但內有乾坤，睇下畫中係邊個？ 當你行入船後，原來係有鏡頭影住你，就好似畫家畫緊你一樣喇！ 點擊圖片放大 難度開始增加，先黎呢張相，有咩特別？影既時候是躺在地上影，再張相片調正後就會有特別既效果喇！喂，樓下個位金仔企穩呀！謝謝Trick Eye社長教我地擺呢個pose~！ 身為芭蕾舞人既我，當然要影返幅代表作啦，芭蕾人一定要黎影呀，唔識跳舞既都可以有一張靚靚既芭蕾舞相喇！ 車，邊個話芭蕾舞一定係男同女一齊跳架，hehe~!!! 黎到巨人房，試一下做女權至上既一刻！ 騎馬、騎象、騎駱駝你都可能騎過，但雞你一定未騎過！ 救命呀，我唔想就咁俾熔岩熔死呀！ 黎到第三個主題「大冒險」一齊去挑戰你既體力喇！ 跳傘唔駛去到外國都有得玩，你睇下我玩得幾high! 神奇呢，睇下我竟然可以升起呀！ 哈，大衛高柏金既魔術幾神奇！ 象，用你既象鼻力量救我呀！ 樹，都有好多種玩法！ 椰林樹影，玩到攰休息下先！ 嘩，猩猩呀~~~~~~~~~~~~~~~~~~~~~~~~~~!!!!!!!!!!!!!!! 今次香港既美術館加左好多互動元素，當中呢個大家都可以發洩一下平日工作既壓力！ 點擊圖片放大 「藝林爭霸」會將你既影像投入到螢幕中，與大衛一齊打返一場啦！ 影完大冒險後，已經成身大汗，好，黎到第四個主題「夢幻樂園」，睇下有幾夢幻先！ 而家最流行既空中瑜伽，你睇，我都得呀！ 金仔，你唔好亂黎呀，我個頭好貴架！ 嘩，救命呀，我隻腳呀！ 佢，簡直係將平日既廁所文化發揚光大！ 你無眼花，佢真係立體架！ 黎，影張相先，123笑！ 點擊圖片放大 +2 救命呀，我唔好食架，快d黎救我呀~~~!!! 如果一家大細，就可以咁玩，睇下佢地影得幾開心！ Trick Eye黎到香港，當然唔少得以香港為主題既「探索香港」啦！ 天壇大佛，無人唔識，你睇，佢令我飄起呀！ 點擊圖片放大 +2 一邊坐喺高樓大廈上面悠閒地襟電話，一邊欣賞夜景，正！ 這個細路真大力，我都拎得起！ 嘩，大澳既水怪呀，媽咪救我呀~~~!!! 玩晒五個主題喇，又係時候講bye bye，咪住，更係要同靚仔韓仔影返張靚相先走啦，我覺得佢係都敏俊，你認為呢？ 整個美術館相比韓國幾個美術館不大，但已經令我玩到出晒大汗，玩足三個多小時呢，哈哈！香港呢個美術館真係好好玩，絕大部份都要以動作配合，建議大家穿較鬆身既褲，唔駛驚爆褲！ How to go? 甚樣去？ 山頂纜車︰於中環花園道纜車站乘搭山頂纜車。 山頂纜車行車時間為每日上午7時至午夜12時 (星期日及公眾假期照常營業)， 每10至15分鐘開出一班。 巴士︰於中環交易廣場巴士總站乘坐15線巴士。 巴士行車時間為每日早上十時至凌晨0時15分， 車程大約35分鐘。 小巴︰於中環港鐵香港站公共運輸交匯處乘1線綠色小巴 的士︰在金鐘地鐵站乘搭的士，需時約15分鐘。 Information 資料︰ Trick Eye Museum Hong Kong 香港特麗愛3D美術館 地址︰香港山頂道118號山頂廣場3樓1號舖 營業時間︰10am-10pm，全年無休 (最後入場時間9pm) 門票價格︰成人(12-64歲) HK$150 / 小童 (3-11歲) HK$100 / 長者 (65歲以上) HK$100 (香港居民於2015年1月15日前可享半價優惠！) ** 快d去like我的MissMa Daily – Facebook專頁啦！ ** https://www.facebook.com/MissMaDaily
