當你每朝起身，唸唔到食咩早餐，行街時感到有點肚餓時，又或者係想食d燒夜？更有一間在附近！唔係便利店，是Isaac多士店。Isaac多士店遍佈全韓國，以即叫即製多士為賣點，吸引很多本地巿民及遊客幫襯，今次所到的是東大門鄰近Migliore的分店！ 東大門是不夜城，時裝批發零售林立既地方，所以這區大部份的食肆是24小時服務，完全唔需要擔心無飯食既問題。東大門內還有一條街專是食肆，這裡大部份的餐廳都是24小時，而Isaac多士店亦是位於這條街上，所以無論你是早上、中午、下午或是晚上，都可以品嘗到多士！ 每次在東大門區留宿，都會到這間Isaac多士店，因為「快、靚、正」！可能你會問︰「車，多士啫，有咩咁特別呀！」哈哈，等我黎講講啦！ 多士有很多種類，例如芝士多士、雜菜多士、煙肉多士、牛肉多士等等，放心，雖然這張餐牌寫韓文，但這裡還有一張中文的會提供俾大家！ 點了多士後，開始製作多士！首先會搽上牛油在鐵板上，然後放上厚麵包，開始煎蛋，然後會因應客人所選擇的多士而放入材料！ Wow~~~~~熱辣辣既多士整好喇，我叫既係芝士多士(蛋、火腿、芝士)和special多士(蛋、火腿、芝士、菜絲)。 麵包很香脆，仲有甜甜地既味道，蛋好特別，有粟米粒既蛋，好好味！ 第二天早上，我又再去買多士食......嘻嘻！ How to go? 怎樣去？ 地鐵東大門歷史文化公園站落車，13號或14號出口都可以。 13號出口上到地面後直行，然後在路口位轉右，一直直行便可看到Isaac多士店。 14號出口上到地面後直行，然後在路口位轉左，向前行到路口位，再轉右便看到Isaac多士店。 Information 店舖資料︰ 이삭 밀레오레점 Isaac多士店 (東大門Migliore店) 地址︰서울 중구 을지로6가 18-187번지 동화연쇄상가 특2호 首爾中區乙支路6街18-187號東華連鎖商店 特2號 營業時間︰24小時 電話︰02-2277-2775 去like我的MissMa Daily - Facebook專頁啦！ https://www.facebook.com/MissMaDaily
