在西表島的接待人員熱烈推介小濱島有多好有多好,在小濱島職員又推介竹富島有咩好有咩好,成件事在香港就彷彿一個騙局>,< 因為呢個島最細(唔計由布島個熱帶樂園),上網睇人地好多都會踩單車。是趟旅程其實好想踩單車,但由於之前天氣不穩,來到此島又...一落船已經有專人等我,仲幫我接走行李,第一時間就帶我去附近一個小型博物館睇呢個島的歷史。然後又帶我去第一個體驗活動-學織布。 (註:事緣來到最後一個島已是下午一時多,第二日又要一大清早離開去趕飛機返關西機場,所以,在沒有選擇空間下,這個島的工作人員已事先準備好我的行程,一氣呵成是日遊覽景點同進行兩個體驗活動,真係太客氣喇...同出發前預期不一樣,上岸後竟然不用花時間找路和找行程....==\\) 有關體驗活動下一篇再慢慢分享,呢一篇就儘管SHOW下當地的風光,確實小島怡人! KONDOBI BEACH-日本十大海灘之一,有幸留下足印^^ 點擊圖片放大 除左由布島,竹富島都有水牛車!不過呢個行陸地,沿途可看看路上的珊瑚石牆。 呢個一人塔塔頂就是全島最高的一點,個人認為是必到景點,大家都好有耐性咁排隊上去, 留意返,畏高者,可能會一面行一面震,唔好催前面那個! 上到去,感到大地在的腳下,好想可以慢慢地看風景,不後面真是太多人排隊,唔好意思牙太耐時間,幸好在織布體驗活動時老師送的一張明信片,可以回家慢慢看^^ 從相片中不知道大家有否留意,竹富島的小路都是白白淨淨的。在小型博物館的介紹片段得知,竹富島的村民每天早上起床都會把小路上打掃得乾乾淨淨接待遊客。所以說,大家去遊覽時一定不可留下任何垃圾啊! 個度好大風,豆腐人個頭D頭髮唔吹得,全程要紮住D頭髮...
