年初到過台北435 藝文特區實景欣賞人地既壁畫 事隔4個月就有機會跟微義遊去打鼓嶺坪輋畫花花! 點擊圖片放大 .............................................................................................. 估唔到咁快就有機會自己親手畫地畫 原來，畫壁畫地畫唔止係藝術家的專利， 有心畫，小朋友作品都可以在坪輋村落的小徑留名！ Voltra義遊是搞義工工作營的組織， 不論是香港以外的或香港境內的都有， 難得今次一日營就到時間，4 月份就跟early bird 報名 上午到左打鼓嶺坪輋保衛家園聯盟的中心， 說是中心，其實都是村民借出空間，執執埋埋d 二手野創建而成，簡直一入村就聞到陣陣人情味 等齊一班義遊人，村民導賞員，財哥，拉B 同牛佬就帶我地呢班客人開始 出走坪輋探索之旅(呢個名我後來改的，因為豆腐人乜都興探索) 原來八間連住既屋是當年村校的老師宿舍 .............................. 午膳後就開工了: 從中心行出來，不遠處小徑就是當天要工作的地方，都是以往一兩年各方義工與當地熱心村民鼎力支持的成果 與新相識的朋友仔戰戰兢兢地拿起刷子，跟藝術達人KK學習，先將地上的塵埃石粒擦走，方便一陣上色 原來平日熙來攘往的小路係咁大塵，一邊擦一邊沙塵滾滾 取過顏料，毫無頭緒下，原先想畫山，但後來記起頭先隻貓，就地取材都係畫貓咪啦！ 可悲就是選取貓色的顏料比我擠到一滴都無，後來學人調色，但支筆又沾上紫色。。。 貓的顏色，就算啦，好彩有朋友仔奪目的鮮花呼應KK訂下的主題：花，於是，一幅幼稚園風格的佳作大功告成！！ 慢著，畫完其實都仲未完成！！同開波時一樣，要再狠心大力刷刷個地面，目的將塵埃撥走！再塗上一層光油！ 原來，唔畫都唔知原來畫地係有咁多學問，因為用的光油會將顏色深化，白色同沉色系到塗光油後無咁鮮明，溝色調較不慎就會染上雜色，下次再畫一定小心選色！ This is me!! 後記： 參加完呢次微義遊，除左一嚐另類的義工方式，豆腐人都發現左d野同大家分享（簡單d，用d, 用point form)： 1.村民導賞員鐵漢柔情，唔開聲可能嚇親大家，一開聲就會知道佢地好多口水，包你成個旅程唔會悶，仲聽到好多「自己行」聽唔到既坪輋小典故！ 點擊圖片放大 +2 2.村民人情味甚重，午膳由男人背後的女人泡製，仲有透心涼，精心採用雛菊沖成的菊花荼，無論你食緊飯定畫緊畫，都滔滔不絕介紹每一件作品背後的故事！ 3.此行識到一班義遊人，在香港繁忙的都市裡，都願意抽出寶貴的公眾假期去當義工，甚至係一ｄ會請假到異地做義工服務一頭半個月，真係好有heart! 假期去當外地當義工呢個念頭其實都係知道一個舊同事以前請假去內地義教先開始認識的事，說起都有D心癢,不過假期難請,又聽聞要訓睡袋........都係留在香港再作打算啦(羞=.=\\) 更多資料： Voltra義遊 (而家6周年搞緊微義遊，5月仲有幾個活動，full左未就唔知喇~) https://www.facebook.com/media/set/?set=a.10152752946962644.1073741853.109619127643&type=1 打鼓嶺坪輋保衛家園聯盟 https://www.facebook.com/pingchehomeland?fref=ts
