豆腐人平時唔係自閉仔,不過趕左成個禮拜功課,又趕左成個禮拜工作...都要趁難得Day Off抖下氣!昨天去左從來無去過的西環,其一是去畫畫,為畫簿加上新的風景畫;其二就是去感受一下新地鐵支線的風光! 由上環西港城出發,原來西港城有一間賣香港postcard賣得好平,10蚊有4張,質素唔錯,平過一般書店,(原來西港城二樓是賣布的,三樓是一間酒樓,平時都係搭車經過多...) 此行第一幅,同最後一幅畫,就是在西港地外面拍的>>> 沿水坑口街上左唔知幾多條樓梯....有古玩街,好多檔口都寫住唔好影相,咁就唔影啦 上上上,去到文武廟 之後沿右手邊樓梯街繼續上 有分岔路,選擇了去香港醫學博物館 聞名不如見面,都係細細間一間屋仔 點擊圖片放大 望一望地圖,同之前預計行的地方都差不多,即係無迷路, 因為唔想再山路,由普慶坊個邊落... 點擊圖片放大 代客寫詩,在香港應該是一個逐漸息微的行業.... 星期六的中午,附近係差d一個人都無....同山下好大落差==\\ 貓兒午睡中,真係識嘆! 點擊圖片放大 終於來到第一個新的地鐵站,循例影下相啦~ 沿路一條又一條斜路,就是中西區街道的特色 途經巨二拉麵用膳,醫肚後繼續上路 聽聞而家中西區有好多壁畫,沿路都見到好多! 點擊圖片放大 經般咸道上左香港大學,目的只有一個,搵地鐵站搭個部十八層電梯XD 呢個景,如果唔裝修緊,我諗我會畫多一幅畫...但咁既樣,都係快D走免食塵==\\\ 向下望到另一個出口 呢條電梯,大規模到有個揸車立人 來到這一步又定下位先,沿最長管道行去C2啦!一定唔蕩失路! 管道好長,長過尖東去尖沙咀,幸好是一條直路而已.. 往堅尼地城途上依然找到壁畫,仲要係樓梯畫 到了到了,是終點站!堅尼地城!! 在西環邨外,電視常見的一幅場,住呢條邨一定成日見到有人拍戲 海旁街有好多西式食肆,即係D人在店外,吹住海風飲啤酒個D 不過個人喜歡海景多於啤酒 因為腳仔軟,又唔想走番去搭地鐵,還是搭叮叮走好了 後記: 雖然身在香港,但真係好少行香港島,今次借行地鐵站為名,一闖未去過的地方,就好似去旅行咁,行未行過的路,看未看過的風景。所以說,去旅行,唔一定要搭飛機既~另外一sell,在街頭畫畫,可以訓練觀察力,係一個唔錯既減壓活動。可是港島區路斜及窄,今次畫得唔多,下次再畫過... ...