是日上午去完地熱谷,陽明公園等地標,下午到公館站展開U BIKE之旅 因為第一次租U BIKE(按此查看更多騎行遊記), 未食野就在捷運站外借左部,個時未食正餐, 一於踩到邊食到邊, 原本諗住邊踩邊找外帶買去古亭河濱公園食, 點知在迷路而又稍有眉目之間經過葛樂蒂咖啡館 Galette(臺北市 大安區 辛亥路一段136號) 個一刻就好似電影情節咁,明明經過了, 但又被門面吸引住,不禁回帶到門面前望多兩眼 泊好架車後,第一下推門而進,見到左面cafe,右邊拼圖店, 兩者又好似是打成一片的格局 當時未決定消費,抱著儘管參觀一下的心態 嘩,呢個拼圖墊可以將砌到一半的拼圖圈起放入筒內,下一次去到另一個地方 可能是我少到拼圖店逛,咁專業的工具,香港真係好少見 呢一幅係店員講的全世界/全亞洲最大的拼圖, 如果屬實,真是我的榮幸! 逛過店面,唔捨得走,加上見到有下午茶cake餐, 何不食件餅,嘆杯latte延續今次旅程的主題 因為格局比較高檔,落單時個人比較緊張 要了一杯latte,同一年chocolate brownie 呢餐無記錯是全程最貴而又最少野食的一餐, 但絕對是最享受,最寫意的正宗下午茶 我覺得喜歡拼圖的朋友一定要來坐坐, 除左可以觀摩下呢間cafe的拼圖(往洗手間牆上的可是夜光唷), 亦可以挑戰一下呢度既小遊戲: 即場砌好指定三百塊拼圖的話可獲手工餅一塊(當場真的有人在挑戰!) 自知自己唔係拼圖達人,無挑戰呢個小遊戲, 只是靜俏俏的坐在面向bar檯的一張二人桌上拍拍照,望下四周圍的本地客人做緊咩 (btw四周都好像看不見像我一樣的遊客,店員也好像有點詫異) 既然呢個地方咁隱敝,此文一於命名為隱世的拼圖主題咖啡店!
