因為前一晚住梅田,如果要搭車去白濱,唔計巴士, 因為路途遙遠,加上班次疏落,又想早d到白濱去第一個景點, 因此在七點幾班次及十點幾班次選擇左第一個,然後再選上車位: 一係由大阪站去新大阪搭轉JR,一係去天王寺, 原先想去新大阪搭7:33個班JR,因為一D時間上的失誤, 7:30先在大阪站入閘,由上層走去下層大概也追不了; 幸好靈機一觸,記得之前做過RESEARCH (乘換案內),在新大阪上車以外,還有另一個OPTION, 可以搭8:03在天王寺上同一班車(因天王寺在新大阪和白濱中間) 情急之餘又好彩有少少急才, 同朋友拿拿聲拖埋個gip走去搭大阪環狀線,盡力博一博,望可以追回原定時間 (去到天王寺有段小插曲:一下車就快快步咁拖埋行李上大堂,打算快點趕到往白濱列車的月台,點知上到去,先知原來下車的月台就正正是上車的月台orz,大家下次要趕時間而又要轉車就要留意清楚,白慌張就唔好啦~) 點擊圖片放大 因為太趕,趕得忘了拍照,就只得與小雞的數張乘車照....
