一場來到大阪,當然少不了逛心齋橋, 除左行街SHOPPING之外,女生們還有一個最佳活動,就是去夾公仔 相傳在日本夾公仔易過借火,除左有比世界各地更誠實的夾公仔機之外, 仲有善解人意既店務員 是咁的,話記豆腐人同友人在夾公仔機「借廁所」時,無意比公仔機黑洞吸住了, 結果連飯都唔食,街都唔行住,就伏在此店個幾鐘...... 呢間店有個店員勁好人 原先豆腐人同友人都係一試心態,打算投幣幾個支持下日本既「博睬業」 點知呀店員先生見我地失敗幾次,就坎埋黎打開櫃門,又指劃腳咁教我地如何用隻爪篤熊本下來,又幫我地移動它 (注:係,佢教我地篤,唔係夾,令友人同我都好懷疑究竟WORK唔WORK...) 可能我地好笨,三番四次都GET唔到點篤,於是又厚面皮地一次又一次去搵呀店員san黎幫拖,而佢,又出乎意料地幫完我地一次又一次 經過一輪博鬥,篤中熊本一刻,我開始意識到,餘下三天行程佢都會跟住我去玩XD! 去日本玩的好提示: 出得黎玩至緊要厚面皮,夾公仔如是,問路如是。 日本人好好人,雖然語言上可能溝通唔到,但只要用盡一切BODY language, 總有方法可以表達到你想講既野!!
