近期天氣好好，風和日麗☀️帶Toby Heby兩姐妹同朋友相聚，約埋週末一齊去西九海濱參加 #香港工程師週嘉年華 ！ 前排見佢地宣傳有成40個攤位，夠晒兩姊妹玩足一日✌🏻✌🏻 攤位遊戲喎😍兩姊妹見到心心眼，開心到飛起！現場有好多唔同類型嘅攤位，全部都同日常生活有關，果然工程師係生活中嘅解決師，度度都有佢地蹤影。點擊圖片放大 +2 Toby姐姐玩歡樂垃圾分類遊戲，每一個豆袋都有一件唔同樣嘅垃圾，要拋中相應嘅分類箱，拋齊六個洞，就有咕𠱸送。Heby妹妹玩「洞悉先基」，將球滾到綠色/紫色洞，確保工程順利😄，禮物係氫氣球。 儲齊十個印仔，就可以去玩彩虹池贏小禮物🎁每個遊戲都學到唔少工程知識，啱晒我兩個小學生，玩得好開心，唔捨得走添！現場仲有唔少工程師分享日常生活點滴，原來專業人士都咁好 、咁貼地，舞台又有唔同表演節目，加埋同巨型河助狸公仔打卡 ，開開心心又一Day😍點擊圖片放大 嘉年華開埋聽日5號咋，去開西九記得去海濱草地睇下，10 am開到6pm，又學到嘢又有得放電😎勁正！
