🏡充滿日本風情～播住日文歌～ 前菜:✨雪魚乾～醬料係加咗七味粉嘅蛋黃醬，魚乾入口好似薯片咁脆，好有魚味，明顯係啱啱燒好，攞上手仲暖暖地，送酒佳品 ✨日本涼拌海蜇～凍冰冰，味道微辣偏甜，越食越開胃😆 ✨軟殼蟹沙律～夏日炎炎，點可以缺少沙律，呢度嘅沙律菜採用日本食材，炸到脆卜卜嘅軟殼蟹，口味咸咸哋，同加上柚子醋汁嘅沙律好夾燒物:店員即場燒製✨ ✨蟹味噌甲羅燒～每次嚟都會點嘅一味，蟹蓋上 混合蟹子蟹膏蟹肉，加咗一隻鵪鶉蛋一齊燒，將蟹味發揮到極致👍 ✨帆立貝～都係日本貨啊！大大隻，目測帆立貝有5cm直徑，啖啖肉，即燒即食，燒完都冇咩縮水，食完鮮味都留喺喉嚨🥰感覺好嘆😄 ✨燒明太子～店家推介😍，明太子即係魚春子，燒到半熟，味道甘甘地、少辣，口感特別。而且配上一片片清新嘅青瓜，食完都唔會覺得膩主食: ✨金目鯛～以前去居酒屋，通常都係食刺身鯛魚片，呢度將個魚皮燒一燒，魚肉滑溜得黎，帶有燒烤味，好特別😍 ✨鰻魚炒飯～炒飯都見到細心位，材料有紅蘿蔔粒、蔥粒、洋蔥粒，外面通常係鰻魚粒，呢度係大大件鰻魚塊，好足料！最緊要唔會油膩👍 南瀛水產尖沙咀金馬倫道5號太興廣場5樓
