日系服飾向來係兔比杯茶，打開衣櫃睇睇日牌服飾佔左90%呢~ 要數兔比至愛TOP 5日牌，必定唔少得NICE CLAUP 好榮幸早前可以獲邀出席於銅鑼灣世貿中心 natural couture by NICE CLAUP 舉行「natural couture by Nice Claup x 糖妹 秋冬穿搭教室」，接收秋冬穿搭貼士之餘，仲可以同代言人糖妹作近距離接觸 (ૢ˃ꌂ˂⁎) 兔比蠻喜歡糖妹，形象可愛，歌曲又有水準（當然糖兄都居功不少） NICE CLAUP 其下品牌 natural couture by NICE CLAUP 已經正式進駐香港！今年 9 月於銅鑼灣世貿中心3樓開設首間專門店，貫徹 NICE CLAUP 簡約自然及休閒樸素風格，設計展示女性細緻及時尚魅力，為一個針對喜愛流行時裝及崇尚個人風格之日系品牌 natural couture 以《愛麗絲夢遊仙境》為基本概念，再利用對愛麗絲奶奶時尚衣櫥作聯想，創作出 ”Grandma’s closet” 主題，秋冬系列著重色彩堆積，巧妙利用不同材料特質及元素，如合成皮革及閃閃發亮裝飾，締造優雅別緻又帶著年輕、夢幻、飄逸、蓬鬆時尚風格，擁有復古味之餘亦不失剛強果敢之創新配搭 點擊圖片放大 +3 糖妹穿著住一身 natural couture by NICE CLAUP 服飾同大家見面，一貫可愛少女風格 另外仲邀請左Gina同WinWin兩位blogger擔任麻豆，演繹Fall Winter兩款mix & match造型 Gina穿著嘅紅色短褲為波浪紋褲腳，比較既與眾不同又可愛，配搭感覺硬朗黑色外套，達至平衡造型之效，型格之餘帶少女味~ 少不了秋冬大熱嘅豹紋item，手袋為造型加添不少時尚感！ WinWin穿著嘅上衣由蕾絲同圈圈絨拼合而成，膊頭以上蕾絲部分睇落有點性感，但絕唔會走光，而圈圈絨質料及鬆身剪裁帶出Kawaii感覺~ 兩個造型都配襯左蝴蝶結帽，改變個人形象輕而易舉~ 哩個3個造型都係品牌大大大推介！上周末兔比出席左Yokohama Cinderella Party，natural couture by NICE CLAUP都係其中一個參與品牌，Fashion Show上麻豆都係同樣穿搭 點擊圖片放大 嘉賓仲有美女化妝師小白，除左分享個人穿搭心得，當然要示範一下拿手秋冬彩妝 秋冬少不了啡tone，小白為Gina用上啡色眼影加深眼部立體感 胭脂及唇妝同樣選用橙色 WinWin身上穿搭明顯走可愛路線，於是小白將佢打造成pink sweetie~ 胭脂同唇膏都用粉紅色，跟Gina嘅妝容完全不同 小白提提大家胭脂要向外打圈掃營造微笑感，反方向掃面珠睇落會似下垂；橙色帶出活力朝氣感，而粉紅會令膚色比較明亮 今次活動實在大飽眼福，既有得睇靚衫又有得睇靚人，完全將兔比嘅敗家意欲燃燒到極點！ 機會難得點都要拉住糖妹同小白合照٩(˙▿˙)۶ 特別嗚謝幫忙揸機個位好好先生~
