各位絲打每月總有幾日要經歷女人之苦，兔比自己個幾日總受腹痛困擾，連皮膚素質都變差，實在好難提得起勁．．．好耐之前老媽已經叫兔比食白鳳丸，補氣血或者有助減輕經痛問題，唔聽話嘅兔比都只係食下唔食咁，不過今次被邀請試服白鳳丸，兔比終於的起心肝日日食！ 所謂「不通則痛」，中醫角度經痛由氣血不暢或氣滯血瘀引致，當經血無法順利排出，子宮收縮就會加劇，令經血排出體外造成經痛，而中醫治療主張調理氣血 普遍現代女性生活已經夠忙，絕少有時間服用中藥調理，加上生活壓力導致體質虛弱，造成週期不適，白鳳丸就岩晒繁忙現代女性，唔需要花時間處理，只要溫水送服就可以 位元堂經歷百年臨床引證，突破原有百年白鳳丸宮廷御用珍品配方，配製出一系列不同白鳳丸，適合唔同階段唔同體質嘅女生 今次兔比試服嘅燕窩白鳳丸小丸，顧名思意採用上等精選燕窩作成分，配以多種名貴天然中藥秘制而成 有效成份包括： 燕窩 (0.38%) - 養陰潤燥、補中益氣、養顏護膚 當歸 (5.36%) - 補血活血、調經止痛 熟地黃 (8.62%) - 補血滋陰、益精填髓 製益母草 (1.96%) - 活血調經、利水 白芍 (3.45%) - 養血調經、平肝止痛、斂陰止汗 沒藥 (1.17%) - 活血止痛、生肌 乳香 (1.17%) - 活血行氣止痛、生肌 燕窩成份有效促進表皮細胞增生，加速新陳代謝，令肌膚變得細致幼嫩；其他有效成份補氣活血，促進血液循環，改善女性經期不適癥狀如小腹痛楚，乳房脹痛等問題，而且補而不躁，四季皆宜，長期服用有助調理體質 一盒有25小包，方便攜帶 只係嫌包裝袋唔夠貼心，如果可以加個壓痕位方便平口撕開就好，通常都要用鉸剪齊口剪開 入口中藥味濃但唔苦，唔係難入口，細細粒好容易吞服，不過如果係糖衣就更容易接受 只係每次都要食2包，份量話少唔少，真係要花點時間吞服，當提醒自己多飲水~ 岩岩period前幾日開始服用兩星期，雖然仲有腹痛但有顯著舒緩，精神都比較好，皮膚質素方面似乎差唔多，生理痘同樣作惡，嗚＞＜ 中藥一向具調理功效，特別女生每逢生理期體質轉差，氣息唔好，更加要注重身體內在保養，咁方便而且具養顏作用嘅中藥保養品就絕對值得試試~
