兔比自問素顏殘到七月十四可以嚇親人Σ(-᷅_-᷄๑)，好在世上有偉大嘅化妝品令倦容馬上變神采飛揚！ 由殘爆裝成精靈寶寶絕唔繁複，只要簡單3步就可以啦！꒰*✪௰✪ૢ꒱ 是次兔比用左3款Bobbi brown產品包括： 1. Illuminating Face Base SPF 25 PA++ (明亮美肌霜) 2. Powder Foundation SPF15 (無厚輕煙礦物粉 SPF 15) 3. Tinted Eye Brightener (眼底矯色光亮霜) 都市人普遍日忙夜忙，加上生活壓力大，肌膚容易出現疲態包括肌膚暗啞、欠缺光澤、缺水及容易溶妝等問題，想飛甩倦容當然要有良好休息同飲食習慣，同時可借助護膚品及化妝品幫忙~ 一向殘爆嘅兔比早前有幸參與U Beauty X Bobbi Brown 肌膚急救研習坊，正好可以求教一下٩(๑❛ᴗ❛๑)۶ > 除左推崇簡單化妝，Bobbi brown一向都注重肌膚健康，只要膚質好妝容自然貼服有光澤 好多肌膚問題其實都同角質層有莫大關係！健康肌膚更新週期為28日，如果正常更新週期延長左，角質層積聚就令肌膚暗啞，妨礙吸收護膚產品，引致缺水及容易溶妝 Bobbi brown嘅紓緩卸妝潔面油(Soothing Cleansing Oil)兔比之前試用過都好喜歡~（前文回顧：無憂卸妝自然之選） 要溫和有效咁去除角質於潔面油中加入Buffing Grains for Face就可以，Buffing Grains for Face (面部幼滑磨砂粒子) 以純日本紅豆粉末製成，可混合任何潔面產品去除乾燥表面死皮及促進肌膚細胞更新，令肌膚柔軟幼滑富光澤 全面用Cleansing Oil 5泵然後沾取適當份量紅豆粉，輕輕打圈然後加水就可以輕易乳化，而紅豆粒子都會轉化為更幼細粉末，將多餘角質均勻帶走，肌膚自然更平滑通透 對比有用嘅左手同右手，效果即時可見！肌膚變嫩滑之餘膚色更加均勻，而且絕無繃緊感覺 由於基底油可可巴油及橄欖油可充當cushion，可以避免力度過大，無咁容易刺激皮膚，所以品牌方面最建議配合Cleansing Oil使用 皮膚缺水就會出油，健康皮膚首要補供大量水份，去除表層角質之後可使用Hydrating Face Tonic (水盈礦物保濕水)，以化妝棉滲透Hydrating Face Tonic抹於全面，即時柔軟皮膚，而且可以令面霜更容易吸收 之後先搽上眼霜保護最薄最幼嫩嘅眼部肌膚，Hydrating Eye Cream除左保濕仲可以平滑肌膚，令妝容更貼服 搽Hydrating Face Cream同時配合簡單按摩，保濕同時有助提升肌膚光澤 無論化唔化妝，只要想要肌膚睇落有光澤都可以使用Bobbi brown全新推出之Illuminating Face Base SPF 25 PA++ 包含綠茶精華、洋薊葉及維他命E 3大抗氧化成份，持續改善皮膚面色，增加彈性；極幼細珍珠粒子令肌膚變得平滑有光澤，令細紋和皺紋唔明顯；大量保濕因子令肌膚持續水潤飽滿，而且吸油粉末控制肌膚多餘油份，收細毛孔並改善膚質，控油效果持續 8 小時 專為面色偏黃、暗啞亞洲女性而設，即時改善面色，蘊含極幼細珍珠粒子，營造肌膚由內至外健康明亮感 質地為水感cream，好易塗抹開，色調似BB cream，細看有閃閃粒子 抹開後其實無咩色，不過肌膚好有光澤，同用左hightlight相近 用法有別一般面霜！先沾取黃豆份量於三隻手指 然後雙手輕輕打圈將份量於雙手指頭推勻 將指頭上嘅Illuminating Face Base局部印於最需要光澤感嘅位置包括額頭、頰骨及下巴位置 Model印上Illuminating Face Base嘅右邊面通透感大大提升，而唔係油光滿面嘅感覺 接住開始遮瑕步驟，快捷簡單可以Tinted Eye Brightener代替Creamy Concealer Kit遮蓋黑眼圈，先扭出適量抹於手背，再以Concealer Blending Brush全個平面沾取 由眼頭色素最深位置搽起，慢慢掃開就可以 全面以打圈手法掃上Powder Foundation均勻膚色，妝感相當自然 嘴唇加添光澤感整體感覺會更有神采，一支光澤感嘅Lip gloss就可以幫上忙~ 睇完Demo Makeup Artist逐一為大家試上面 除左以上步驟加上配合自已膚色嘅胭脂就無得彈啦！無需濃妝艷抹，簡簡單單更合兔比心意 配合合適產品幾個簡單步驟，每日出門只多花一點時間就可以精精神神示人囉~
