新年新開始相信大家一定會扮得靚靚示人，著靚衫化靚妝之餘有冇幫指甲粉飾下？ 過年前有份參與iMORE x Purple House新春Konad 指甲印花彩繪工作坊，由Purple House教授印甲技巧，無須巧手畫花，自己都可以動手DIY新春氣氛甲~ 家中set Konad已被冷落左好一段時間，都係時候重温一下用法 PS. 是日無帶相機，用iphone拍嘅相片的確比較差，請見諒~ 活動開始前Purple House已經為大家準備好福袋，同時係送俾大家嘅新年禮物包，有齊所用工具 包括Konad印油同Top Coat 橡膠印仔同刮刀 印花片 Purple House阿裴先做示範，將印油搽響印花片上心儀圖案，然後用刮刀呈大概45°角刮走多餘印油 將印花片上圖案轉移到印仔，接住將印仔上圖案印上指甲，手勢要由其中一邊往另一邊轆 最後搽上厚厚面油（掃上幾乎滴住面油），而且一定要一下過輕力掃，唔好壓住甲面同來回掃，以免破壞圖案！ 注意！ - 印油當中有膠質成份，唔可以當普通甲油咁搽（等幾耐都唔會乾），只可用作指甲印花或以海綿印上 - 印仔上圖案如果唔完整，千祈咪用洗甲水抹，應該用膠紙黐走 - 印花要配合返Konad Top Coat使用，其他Top Coat會令圖案化開 最後成品紅噹噹甲加金色中國風印花~ 紅色甲都係第一次搽，一直都怕太嚇人又唔襯自己，睇落又不賴，最緊要夠賀年氣氛！ 之後即去Purple House再敗左甲片同甲油，雖然少機會搽但女生永遠係敗無止境~(◞ꈍ∇ꈍ)◞⋆** Purple House Facebook Fanpage: http://www.facebook.com/hk.purplehouse
