週末有幸參加SONIA RYKIEL Beauté巴黎美麗之旅化妝工作坊，係兔比初次接觸SONIA RYKIEL產品！（未接觸過真係有點過份==;）加上一向同BE緣薄，已經好一段長時間冇被選中參加活動，所以今次特別欣喜若狂！多謝SONIA RYKIEL同BE！ 當日預早去會場，檯上已經整齊擺放好SONIA RYKIEL產品 今年已經係SONIA RYKIEL Beauté 25週年，特別推出一系列產品包括限量Beauty Color Coffret、Multico Face Powder、全新色調Eyeshadow Duo、Eyeliner Pencil、Lip Liner及Sublime Lipstick。 最吸引莫過於檯面上嘅畫碟，驟看睇以為係水彩，睇真原來係色彩繽紛嘅彩妝品，包括全新霜狀胭脂、彩唇同霜狀眼影。 由於SONIA RYKIEL設計師喜愛畫畫，所以新妝物都以畫畫為意念，希望大家運用妝物好似畫畫咁隨意為俏面加上色彩。 妝容以"A Day to Paris"為概念，分別展現有如巴黎早上、中午同夜晚不同時分感覺。 活動請得遠道由日本而來嘅SONIA RYKIEL國際化妝總監MR. OKAZAKI，為大家即場示範以巴黎晩上為概念彩妝。 先以Eye Makeup Base為眼妝打底，令眼影更出色持久 MR. OKAZAKI表示今季Smoky Eye會改用比較清爽顏色，一改灰黑一類深沉色調，以Eyeshadow Duo #15 上方炭灰色搽響眼蓋 下方寶藍色搽響雙眼皮位置 接住以另一色號Eyeshadow Duo #14 銅啡色加深眼窩輪廓，貼近眼線位置搽上黑色 由於上眼蓋有眼妝，下眼線都應該畫埋以平衡效果，以Eyeliner Pencil畫上寶藍上眼線及銀灰色下眼線 眼蓋中央最凸出處以點印手法搽上Beauty Color Coffret當中嘅霜狀眼影 搽上唇膏前先勾勒唇型 保持微笑以點印手法搽上Beauty Color Coffret當中嘅霜狀胭脂於凸出嘅蘋果位，然後輕輕推勻，輕易營造肌底透出嘅好氣息~ 霜狀胭脂用於上粉底前或後都可以 最後掃上Multico Face Powder，蜜粉印上代表美麗「Belle…」字樣，賣相相當吸引~ 全3色分別以巴黎早上、中午同夜晚為概念，#01粉彩色有透徹效果可掃眼下及面部，#02橙紅啡色調可加添面氣，#03啡色調可用作陰影。 睇完大師示範就到自己動手時間！MR. OKAZAKI會選出當中一位化得最好嘅參加者送出禮物，大家都特別落力~ 在場美容顧問相當親切同熱心幫忙，值得一讚！ 彩妝品固然吸引，但底妝品確實不得不讚！Water Gel Foundation豆腐粉底果然係皇牌，雖唔係液質粉底但絕唔乾燥，軟滑質地好似第二層皮膚咁貼服自然，薄薄一層已經有出色遮瑕度，將面上嘅痘痘同印仔都遮得七七八八。完妝後自己再照鏡睇睇，超驚歎皮膚充滿神采同光澤！ 今次眼妝一次過用上幾個色號Eyeshadow Duo，#11銀白打亮眼頭，#13金色搽全個眼蓋，綠色搽眼尾1/3，#14啡色加深眼窩，用左Multico Face Powder #01 Highlight T-zone同眼下而#03做shading。 加上全日溶妝情況並唔嚴重，兔比絕對會入手！ 另外，碎粉Freshlucent Powder質感好特別，唔止幼滑仲好重水份，搽上去竟然有冰涼感覺呢~ 今次工作坊響尖沙咀諾士佛台Munch舉行，大會安排左精緻茶點同甜品俾大家，好睇又好食~ 最後大家都可以得到SONIA RYKIEL送出嘅Eyeshadow Duo同Sublime Lipstick。 兔比手上嘅係Eyeshadow Duo #11同Sublime Lipstick #43 愛用Eyeshadow Duo #11上方銀白色打亮眼頭，而下方葡萄色有迷人幻彩效果，色調都蠻出色，夠閃而且唔易飛粉~ Sublime Lipstick著色度高，搽一層已經好顯色，不過適宜先以lipbalm打底，#43係帶香檳色調啡紅，容易被配襯，同兔比一樣嘅黝黑女生都岩！ 初次用就迷上SONIA RYKIEL Beauté，又要準備敗家啦！
