入冬最怕肌膚缺水粗糙，佳節要保持肌膚最佳狀態示人，除左外敷都唔可以少看內服需要。 最近兔比有機會試飲MENARD Collagen Gold，兩盒合共廿支係一個療程份量，岩岩飲到2012年！ 對兔比黎講係一份絕佳Pre XMAS present~ MENARD美肌飲料Collagen Gold經過20多年不斷改良黎到第四代加強版， 透過嶄新「增加、保護、再補給」循環概念還原BB幼滑肌膚。 獲日本政府發出專利特許証肯定MENARD獨家專利技術令其中成份發揮最高效益， 令有效成分更易被人體吸收，有效有效激活膠原自生， 提升肌膚底層膠原蛋白，仲有補濕鎖水同抗氧修護功效。 活性化骨膠原 ﹣ 配方較上一代令體內自生膠原高出40﹪ 菩提花精華 ﹣ 高度抗氧化，抑制游離基分解骨膠原 搽嘅透明質酸就試得多，飲嘅您試過未？ 成分當中活性化葡萄糖胺乃體內自生透明質酸要素， 大大增加真皮層補濕程度，配合原有竹葉精華成分令肌膚加倍水潤飽滿。 唔明點解美肌飲大多係pink pink包裝，粉色紅其實唔係個個女生都受 （除左兔比本人，身邊女性朋友都冇幾多個喜愛粉紅東東），反而黎一點破格仲受人注目吧~ 一盒有10支玻璃樽裝，只要每晚直接飲用一支就可以， 無須沖調岩晒怕麻煩嘅忙人（當然都包括懶人 XD） 專櫃小姐建議臨訓前一個鐘飲效果最佳，當然女生最怕臨訓前飲食會肥！ 哩點無須擔心！0脂肪、0.4g糖份同卡路里23kcal （以一個55kg女生為例每日目標攝取量約為1200kcal），仲有大把quota~ 入口甜甜菠蘿味比早前試飲另一日本品牌人氣美肌飲好飲得多，冇左難頂嘅藥水味~ 每支份量為30ml，兩啖已經KO感覺有點唔夠喉，可唔可以飲多支呀？！ 飲左大半盒已覺肌膚較細緻嫩滑， 宜家乾燥天氣就算已有10日冇敷上保濕面膜，皮膚都水份充盈， （10日無敷過mask講起都愧慚．．． ）無出現乾爭爭情況~ 唔只面部連身體肌膚都感覺到水份明顯提升 ， 飲用前每日只搽一次潤膚露就會痕癢甩皮， 宜家維持一日只搽一次都無出現同樣情況。 響患上感冒嘅狀態，肌膚都比之前透亮有光澤 上次飲某品牌美肌飲爛面又爛咀 （品牌唔講啦！有興趣睇返兔比舊文）， 但今次飲用Collagen Gold期間痘痘暗粒都無大規模爆發， 肌膚維持平滑幼嫩，上妝自然更貼服。 飲用左一盒十日份量已經有滿意改善，超期待飲完兩盒嘅美肌效果~ 記得密切留意下篇終極效果公開！
