今日嚟個真•黄面婆美顏療程^^" 假日都做facial是常識吧？ 黄面首步曲 ：黄薑粉磨砂！ 將一湯匙黄薑粉加入一茶匙面部按摩油或天然油， 薑黃素可以軟化角質以及毛孔入面嘅污垢。(貝爾搽左上面先醒起會唔會染黄塊面㗎？！ 嗯。。好彩無事，只要做返正常潔面程序，就唔會殘留。 面仔依然白滑，粉刺亦比較容易經過針清，清出大量粉刺！(粉刺混合了黄薑粉，呈鮮黄色) 之後，用爽膚水略略補濕清潔，就可以進行黄面二部曲喇~ 材料：黄菊花，蟲草花(上回用剩左，順手用埋佢) 可以用鮮菊或乾菊，鮮菊要摘花瓣，乾菊要搗碎。 加入香草(百里香/迷迭香/羅勒或薰衣草), 屋企無嘅唔落都得 用最少嘅熱滾水沖泡，蓋好，自然冷卻。。。 菊花有抗皺抗氧化功效，其中成份更可以抑制黑色素形成，有效淨白鎮静肌膚。 冷卻後就可以隔渣，) 汁水千祈唔好倒左呀！係用嚟做第三步曲㗎！) 渣滓打爛成糊，敷於毛孔粗大或T字位，用嚟補濕，收細毛孔。 黄面第三部曲： 菊花水，加入少量牛奶，一湯匙西米(上回用剩嘅) ，隔水蒸煮。屋企無牛奶嘅可以以蛋白代替。 等西米變成透明為之ok，最後用攪拌機將"西米露"打至滑身。(如圖) 放涼至適合和暖溫度，就可以做熱敷mask喇~ 西米同牛奶滋潤亮膚，使肌膚更有彈性，加入蜂蜜就更加滋潤啦~ 用剩嘅面膜可以待完全冷卻後放入雪櫃保存，保存期係一星期之內。 由於貝爾家中實在有太多剩餘物資，今日主要只係買左一紮菊花。 今日嘅黄面婆三部曲療程，成本都只係10蚊咋~呵呵呵~~~~
