終於有時間搞搞塊面！ 進行一個大規模嘅窮人facial^^" 成本都係十蚊唔駛~ 潔面後，做個"輕磨砂"先~ 一粒士多啤梨，一茶匙黑芝麻 放於研碗中搗爛成灰黑色嘅糊。 利用士多啤梨嘅果酸，加上籽粒同碎黑芝麻，就可以去角質，軟化毛孔污垢。 於面上充份打圈按摩，沖洗後就到針清毛孔嘅環節喇~ 果然毛孔污垢更易轍底擠出，嘩。。。真係災難性咁污糟。。。^^" 好喇！依家就嚟今日嘅戲肉！ 黑白雙煞熱模！ 材料主要就係西米同黑芝麻喇~ 先將西米清洗放於碟中，黑芝麻略略搗碎，混合其中，再入少量清水/紅棗水。 隔水蒸煮至熟透，西米變成透明，灰黑色，就可以放入攪拌機打爛，如果太稠，可以先加少少熱水再打。 完成喇！ 自然冷卻到暖和嘅温度，就可以敷面喇！(屋企有蜂蜜嘅，緊係加埋落去啦！) 西米滋潤肌膚，其澱粉質有亮澤肌膚嘅作用。 黑芝麻，其油脂非常滋潤，而且含大量維他命A,C同E,以及天然抗氧化成份，美白滋潤！ 今日嘅美容成本，都係八蚊咋！！！
