放假！！！開發天然護膚品！ 近日貝爾唔單止忙，仲"大出血"! 不過，有就唔志在，無又唔"爭"在喇。 今日玩啲貴少少嘅嘢，就係鮮！百！合！ 仲有蟲草！！！！！花。。。。 (多過廿蚊就算貴㗎喇^^" 已經做晒資料搜集，百合嘅黏液質/膠質夠多，仲有豐富蛋白質，同維他命C同B..係滋養肌膚嘅佳品。 蟲草花含有18種胺基酸，同多種微量元素，維他命。。。故有"不老草"之稱！ 兩者結合成嘅美容液，可以促進肌膚更新，補充老化嘅細胞與細胞之間嘅組織。 首先，兩粒鮮百合，切去底部嘅根位，然後切碎。一紮蟲草花，洗淨，切碎。 跟著就加半碗水，用文火(100~130度) 加熱20分鐘，製法重點仍然係多料，少水，細火！ 水煮成橙黄色略略厚身，咁就可以熄火，自然冷卻，隔渣。 百合蟲草花美容液完成喇！ 可以用嚟加面膜紙做mask, 可以直接當爽膚水後嘅美容液，夠薄易吸收，正！ 買一包鮮百合同一紮蟲草花，加埋一共$2X.... 雖然有排用，不過今次算高成本㗎喇^^"
