雪耳,有平民(窮人) 燕窩嘅稱號。 含有豐富膠質,係滋潤肌膚嘅補品。 今次就用雪耳整返個sleeping mask先~ 街市買返嚟都係6蚊一兩,大約就係一舊雲耳嘅價錢。 首先,攞去浸水,大約個半鐘,就發成咁大了,要撕細再浸^^" 發好嘅雪耳,加入一湯匙白米放喺碟度蒸20分鐘。。。因為白米含水溶性維他命同礦物質,而且有效美白淡班,仲可以增加sleeping mask嘅黏性。 降溫之後就可以全部放入攪拌機逐少加水打成糊狀。 我會將雪米糊再放回鍋中,用細火略略再煮至微滾,確保雪耳成份融入水中,再降溫後,用幾重紗巾反復隔渣。 隔出來嘅汁液呈乳白色半透明,好厚身。 成功喇!搽上面無痴笠笠,好快就吸收左,感覺好滋潤。。。我會用埋嚟當面霜用^^" 又平又好用,美白滋潤,補充膠原嘅sleeping mask~今日嘅美容成本,都係6蚊咋~~~