只要有心機，一個薯仔都可以係美容佳品！ 話得係急救，當然係要即刻見效啦， 以下就係整容前整容後嘅相片。(敷完連條眼線都甩左，其實係15分鐘前後影嘅相) 今日示範薯仔(馬鈴薯) 去黑眼圈就啱晒！ 因為貝爾呢幾晚都發噩夢，又作感冒，半夜扎醒，搞到對眼又dur又腫，仲有黑眼圈添。。。(工作壓力啦ok? 。 馬鈴薯切片敷眼去眼袋黑眼圈吖嘛？！ 係人都知啦~~~ 我當然有更快更有效嘅做法啦~ 就係敷眼前，薯仔片用熱水先浸熱，仲要喺水裡面加幾滴檸檬汁喇~ 薯仔嘅澱粉質吸熱存熱，有助血液循環 而且取其熱漲冷縮原理，等佢喺眼肚上冷卻嘅同時，亦會令眼袋緊緻。 檸檬汁有助美白，加埋薯仔獨有吸收黑色素嘅功能。 只需敷15分鐘，就已經見效~ 用完嘅薯仔片，可以點做呢？ 其實仲可以用嚟磨擦腋下嘅皮膚！能夠去死皮，去異味，因為秋冬季衣料(尼龍呀針織呀) 有時會有啲焗，腋下好容易焗到一陣味㗎，物盡其用，梗係擦埋啦~係咪？ 只係幾蚊個薯仔，就可以臨時急救黑眼圈眼袋，係咪好方便呢？
