不含凡士林，唔駛買椰子油，蜂臘，甘油等等，只需一隻芒果搞掂！ 芒果脂能夠有效軟化角質死皮，高度防爆擦，促進傷口癒合，仲防UV，又易吸收，分分鐘勝過杏仁油同椰子油，用嚟搽咀仔就最啱。 芒果脂本身就係抗敏的，可以防治濕疹，所以對食芒果有敏感嘅Sis都啱用㗎~~~(致敏源係果皮嘅汁液) 芒果脂其實就係來自芒果核裡面嘅芒果仁，佢嘅質地好似杏仁，不過就大粒啲。 睇吓？ 先將芒果核用熱水浸煮15分鐘，用熱力將芒果仁軟化。 Oh...即使浸泡過，要劈開芒果核取仁仍然要用啲氣力(如圖) 灰白色嘅就係芒果仁喇，呢個時候就可以輕易取出，切碎，放入研碗搗爛。 為左令芒果脂更易釋出，可以滴入幾滴芒果汁同油，(咩油都無問題嘅，方便就手就好). 然後再倒入容器隔水座熱，使材料融合，然後再搗成膏狀。 完成！ 倒入小盒子或con盒唇膏盒裡即可。 平日潤唇：用嘅時候，你會發現，佢好似沾滿油嘅海綿咁，用指頭按壓，擠出油脂，印喺咀唇上即可。 嘴唇磨砂：可以挑出適量芒果仁，用嚟打圈按摩嘴咀，然後用紙巾一抹乾淨。無需沖水。 因為芒果脂嘅油份密度高，幾乎本身就係防腐劑嚟，所以芒果脂幾乎就唔會變壞，唔駛雪藏都可以用成個月。 偉大多功能嘅潤唇膏，只需要一個芒果嘅價錢。 所以，今日嘅美容成本係：8蚊咋！！！yeah~~~
