唔知大家覺唔覺，每日最開心最溫暖嘅時刻。。就係收工返到屋企，好好地做面膜。。。 每次沖走面上嘅mask, 才感到"Oh...I am back! " 又係時候搜雪櫃了XD 非常咁好彩，家中有巨峰提子，就咁搗爛敷面都好好，不過太簡單了，而且黏附能力唔夠。 不如就用先前用剩嘅杏仁粉，做一次熱模啦！ 果然秋季敷熱模就最嘆！ 熱力有助吸收，軟化角質，促進新陳代謝。 杏仁粉幾乎有一半成份就係杏仁油，美白，淡班，去皺。 提子含豐富維他命同胺基酸，而且有抗氧化成份。 做法就係先將熱水加入杏仁粉，搞成糊狀。略略放涼。 (如果無杏仁粉，用奶粉都係唔錯嘅選擇) 巨峰提子連皮連核搗爛，加進杏仁糊中。 記住先試啱溫度先好倒上面，唔好燙傷塊面仔呀~~~ 大約敷廿分鐘，係咪即係柔潤亮白呢？真㗎，乾紋淡了，眼袋都消了。唔錯唔錯~~~ 今日嘅美容成本，係零㗎~~~
