兌現6日前嘅承諾，我每日都用自製嘅黑朱古力潔面泥洗面。原本應該係做足7日先同大家報告狀況，但因為實在太好用喇！今日搶閘同各位sis分享~ 呢6日裡面，我完全無再用原有嘅洗面乳，加上停用埋屋企嗰樽現成嘅乳霜(本來就唔好用，萬寧$6X買到) 務求如實嘅報返皮膚狀況。 See?全部日光下影嘅相，無濾鏡無執相㗎~ 1.完全無出暗瘡 可可油同檸檬精油沒有令毛孔閉塞，尤其檸檬有抗菌防暗瘡作用。用後喺鼻尖鼻翼擠出少量油脂，均無朱古力漬 亦無可可嘅氣味，證明毛孔無被阻塞。 2.有潔淨功能 潔面泥塗上後，遇到有面油污垢嘅位置，尤其係T字位，就會自動溶化，化成透明無色嘅油，好似同污垢融合，易於沖洗。 3.滋潤 不同於有泡有皂化嘅洗面乳，一沖水就滴油不生。可可脂融化污垢，用水沖洗後，面上仍有一層薄薄嘅油，只需用面巾抹乾，就會變成柔軟清潔，再沒多餘污糟，又唔會做成乾燥同崩緊。 4.卸妝 我仲試過用嚟落妝，效果同樣潔淨。用後仲試過喺鼻翼邊邊度用紙巾搓揉，結果，除左無化妝品嘅顏色同氣味，亦無朱古力漬同氣味。 5.無阻護膚品吸收 因為呢6日內，都係使用自家製護膚品，包括：百里香爽膚水，薰衣草杏仁乳液，有時仲會用香蕉面膜或者玫瑰sleeping mask. 我發現，面部嘅皮膚變成有彈性，漲卜卜，尤其係最顯老嘅太陽穴至眼袋，下垂鬆弛嘅狀況改善左。 證明潔面泥不單潔淨修護，仲無阻其他護膚品吸收添~ 各位Siss, 不妨試吓~? (自high中~~~
