假日唔想出街同人迫,又宅住喺度研究護膚品喇~ 上星期做嘅玫瑰保濕sleeping mask, 都過左保存期喇喔? 又係時候睇吓屋企嘅湯料包有咩好嘢先? 今次就做杞子玉竹sleeping mask啦! 材料包括有: 杞子一撮 玉竹一撮(隨量就好,多都唔怕~ 雪梨半個 蘆薈一大瓣 首先將玉竹剪細,同杞子一齊放喺碟底,上面鋪上雪梨肉(去皮去核切粒,一同蒸至軟身即可。 自然冷卻後,就可以用攪拌機打爛,所以玉竹必須預先剪細㗎~ 打成蓉後,用細密嘅布將渣滓隔走,只留汁液。 再將汁液同蘆薈肉打成Gel狀。 記住留意汁液同蘆薈嘅比例呀,汁液太多或蘆薈肉太少就會太稀變水㗎喇~ 咁如果真係唔覺意打稀左呢? 唔緊要~用面膜紙吸取嚟敷面啦 或者直接搽上面按摩吸收都得㗎~ 雪梨,豐富嘅維他命,胺基酸,亦係天然防氧化劑。 杞子,抗皺抗衰老,改善暗啞,美白。 玉竹,淡班,防乾紋,滋潤。 用蒸煮方法勝過滾水煮,可使營養不會流失於水中,保留最充足精華。加埋蘆薈用"藥引", 易於黏附皮膚同有助吸收,仲好保濕添~ 只需要特登去買蘆薈(15蚊) ,就夠用10日喇! 所以 今日嘅美容成本,只係 $1.5蚊咋!($15/10)