呢幾日嘅天氣乾到爆炸! 又熱又乾, Siss唔知覺唔覺,今朝搽足護膚品,出門前明明好ok吖~忙完上半晝,想去個廁所補補妝,一照鏡嘅嗰剎那!就見到毛孔同乾紋都現晒形。。。 然後揹住樽"洩氣"做到收工。。。 天氣令膚質唔穩定,仲好易敏感。 不妨試吓呢個薰衣草杏仁乳霜? 一湯匙乾薰衣草,對兩~三湯匙嘅滾水座水加熱,沖成濃縮嘅薰衣草茶。 然後趁熱倒入兩匙嘅杏仁粉,煮成糊狀。 待至微暖,就可以隔渣喇! 完成!放入雪櫃保存! 薰衣草係皮膚鎮静劑,仲可以消炎消腫防暗瘡,舒緩乾燥同日曬帶嚟嘅問題(例如粗糙同色班) 杏仁美白滋潤,使肌膚富有彈性,修補皮膚組織疏鬆。 今次我仲加左幾滴前日自製嘅羅勒油,實行抗敏抗曬抗皺一次過做晒! 嚟計吓今日美容成本? 杏仁粉20蚊一大包 薰衣草18蚊一小包 可重複使用多次,有排用啦~ 保守當作係兩次 所以,今日嘅美容成本,都係$19咋!yeah!!!