Sis...有無諗過DIY唔一定自用呢？ 想做個DIY小甜心， 為伴侶/家人製作中秋小禮物啦~ 上回用過羅勒敷眼法，用剩左嘅羅勒，除左要嚟煮泰國菜，其實仲可以提煉出效力顯著嘅草藥油！！！ 羅勒喺眾多香料中，係止痛第一名，有抗菌同消炎嘅藥效，消除疲乏嘅嘅佳品~用途之多令羅勒有"香草之王"稱號。 將羅勒連葉連莖剪短(可加入家中用剩嘅其他香草，例：百里香/迷迭香) ，放進耐熱容器，注入甘油/橄欖油，放喺微滾嘅水上座熱，持續加熱至有香味釋出。 實際時間若20分鐘(非如圖中所見時間) ，直至你會聞到有清涼微甘嘅香氣，此時熄火，拿出容器使之自然降溫並沉澱。 禮成！ 注意：羅勒精油不能不能不能直接使用在皮膚上！ 精油可以加進按摩油，或基底油中進行稀釋，比例為1:9 用你親手煉嘅按摩油，替你嘅家人/愛人按摩，消除腰背上，小腿上，精神上嘅疲累。 仲唔係你最抵錫^3^ 如果唔係咁識按摩喔？可以將精油，直接加入熱水中，用嚟浸腳一樣咁有效。 平日有用開香薰嘅Sis, 仲可以將佢當作香薰油咁用添，唔駛稀釋㗎~ 今次我就用左羅勒同前幾日用剩嘅迷迭香一齊製作。 迷迭香亦係對付輕感冒同肌肉痛嘅能手。 順帶一提，迷迭香同羅勒都係為人帶來幸運守護嘅香草，辟除負能量！仲有幫助催情同懷孕嘅傳說，你懂der~ 今日嘅美容成本所需付出，唔係金錢，而。。。。。愛呀(哈利~^^
