LADIES!!! 恭喜大家，又忙過一個星期喇！請為堅毅的我們高呼！！！ 中秋都嚟喇~轉天氣，又係皮膚扭計嘅季節。 係咪可以覺得夏日清爽嘅護膚品好似唔夠潤呢？ 無錯！肌膚係需要換季嘅~ 今日就為大家介紹！！！！ Banana面膜/面霜！ 材料只需要兩條香蕉~^^ 將香蕉肉切粒，方便打溶。 放入攪拌機，加入一至兩茶匙嘅油。 我今日用嘅係芥花籽油，點解呢？ 研究證實，芥花籽油所含維他命E,係橄欖油嘅3倍，雖然油嘅密度比橄欖油高，但係適量適量，係唔會令毛孔閉塞嘅~ 如果打得太稠身，仲可以加一小蓋礦泉水或蒸餾水。 睇吓？打出來嘅質地係乳霜狀~(香蕉籽唔記得切走，所以面霜有啲小種子^^") 打好就可以放入容器入雪櫃。保存期為7日 香蕉係有碳水化合物嘅，好似蘋果一樣，容易氧化變色，所以，我會喺表面封一層保鮮紙，減低與空氣接觸(如圖 香蕉具有強力美白淡班功效，令皮膚滋潤有彈性，加埋芥花籽油嘅維他命E,就啱晒轉季用啦~仲可以改善轉季帶嚟嘅暗啞添~ 質地夠唔夠貼膚？夠，唔需要另外再加什麼乳化劑，已經打出面霜質地。 有無"痴笠笠"㗎？無 易唔易吸收先？完全無問題 用完有無一臉蕉氣？無 今日嘅美容成本又係超低！ 街市買份香蕉都係10蚊以下咋~ 注意：香蕉係重碳水化合物，比較適合當作面膜使用， 如果想當作面霜，吸收後係會殘餘一啲渣滓，建議先隔渣再入盒。 YEAH~~~Happy Weekend~~~
