點呀?今日又有咩"偉大"發明呀? 有!有!有! 就係。。。杞子山楂面膜! 做法就係:將媽媽煲湯嘅材料包搜掠一篇。 你會不難發現,湯包永遠都有杞子。。。 嚟做啦~ 首先,多多嘅杞子,少少嘅滾水,目的只係浸軟杞子,如果仲有落埋山楂或者紅棗,請剪成碎粒。 用熱水浸軟係唔夠㗎,仲要放喺一鍋滾水之上座熱,浸20分鐘。 之後就可以倒入研磨兜或碗裡面搗成泥狀~ 如果想再黏性好啲,可以放幾滴油再攪和。 完成就可以直接敷上面喇!(orz...超樣衰der 杞子同山楂都係超強抗衰老聖物! 仲有袪黄袪暗沉,排毒,令肌膚富有光澤! 順帶一提,古時秦始皇迫使太醫為他寫的"長生不老"藥方,當中每條配方都必定有杞子的! 今日美容成本,係零! 多謝媽咪~