今期流行 冷泡。。。 冷泡可以令玫瑰花嘅胺基酸同維他命保存落嚟，就做一個玫瑰花保濕sleeping mask啦~ 材料：一堆玫瑰花茶(大約半兩 10蚊都唔駛) 一瓣細蘆薈(一瓣約8蚊) 首先將玫瑰花搗碎，倒入少量蒸餾水或凍熟水(水位就剛剛浸過玫瑰花) ,蓋好放入雪櫃，不要放冷格喔~ 6~8小時後，就會得出濃縮的花汁。 再將蘆薈起肉，用攪拌機將花汁同蘆薈混和，喜歡的話仲可以倒入一茶匙蜂蜜，就係咁容易。記住千祈唔好加水呀~ 日日臨瞓前都可以用，放喺雪櫃保鮮，至少可以用足一星期，搽埋身體都唔肉赤。 好香嘅玫瑰花味呀~~~~~~ 蘆薈同玫瑰，保濕抗敏都一流！依家就可以日日做mask啦！ 用完第二朝瞓醒洗面，肌膚又滑又有彈性，好滋潤吖！ 今日嘅美容成本係~~~~18蚊/7日，平均一日3蚊都唔駛㗎！！！！
