就由呢一刻起，我開始了寫blog... 今日我做左peeling，同埋面膜。 有感近來面上嘅死皮又厚又硬，搽咩都吸收唔到啦TT仲有乾紋。。。係時候的起心肝做一次磨砂喇。。 材料：油(可以係橄欖油，或者面部按摩油，我咁慳，緊係用食用油啦^^" 糖(砂糖無咁好，始終經過漂白，用黄糖又太粗粒喔，紅糖最好，食豆腐花嗰種呢) 混和兩者，就可以直接用嚟搽喺面上輕輕按摩喇~記得唔好太大力，用多少少耐性，慢慢打圈磨走死皮，尤其係額頭部位 完成第一步，就可以轍底洗乾淨，因為油份可以軟化毛孔內嘅污垢，一陣用針清都方便啲快啲。(我就嚟想辦法連洗面膏都DIY了。。 洗乾淨，洗埋嗰少少粉刺，就開始做面膜喇~yeah~~~ 今日材料有：蜂蜜半茶匙，乳酪兩匙，蛋白半隻就夠 好多人都會買面膜紙，混合好材料就掉張面膜紙入去，嗯，我當然會慳埋呢一part啦^^" 我就會將mixture, 直接用手搽上面，一邊按摩，將佢推入皮膚裡面，等吸收到咁上下，就再搽一層，再按摩，如此類推。。。按摩有助吸收之餘仲可以瘦面，促進新陳代謝，當然各位有錢人有先進嘅導入器，自然更方便啦。。。 10~15分鐘後，就可以用清水轍底沖乾淨。 蜂蜜令到我嘅皮膚滋潤有光澤。 乳酪具有鎮静同排毒，而且仲有美白功效。 蛋白緊緻最強。 做完呢個facial, 皮膚明顯白淨左，毛孔收細左，又軟又滑，正！ 由於今日嘅facial 材料都係屋企就地取材，所以今日嘅美容成本，係幾乎零㗎(zerozerozerozero....自high中 P.S.圖片俾大家睇吓facial後嘅效果，唔係睇我個樣XD
