裝修既格調同播既音樂都好舒服😌 前菜細細份既醃蘿蔔同埋洋蔥 酸酸辣辣 都幾開胃😋 海膽牛肉他他 💰$156 海膽嘅味比較搶 而牛肉同紫菜配搭起來就豐富左成個口感 幾特別既一個組合 而且個紫菜係比較少見 係無加任何調味同油既乾紫菜 我都係第一次試😆😆辣雞腳 💰$88 呢個係幾特別本身以為佢食落會好似泰式鳳爪但點知完全唔同味😆! 佢係好重麻油同胡椒味 再加小小辣 而且佢仲會保留返入邊嘅骨 食落更加有口感👍🏻 呢個都真係一定要試下😋炸雞🍗 💰$188 分別有原味同埋甜酸味 配柚子醬 係大大嚿嘅冇骨雞塊 炸到外皮脆卜卜 食落啖啖肉 味道酸酸甜甜咁幾好食 唔會食到好膩😇 當中仲有兩件炸蓮藕都唔錯😋豬頸肉 💰$192 係切到一片片嘅炭燒豬頸肉 調味比較淡 差咁d醬料就perfect la醬油蟹飯 💰$388 醬油蟹係韓國直接運黎香港 食落都幾多膏而且鮮味💯 拎嚟撈飯簡直係一流🤩🤩Fig Makgeolli 💰$380 呢隻係無花果味嘅米酒 味道偏酸平時又真係幾少見到fig flavour 嘅米酒🥂 就一於試吓佢啦另外店員都有介紹其他米酒 例如Naroo Saeng 就有分度數高d同低d尼款偏向原味 所以酒味會重少少😝而Lychee 同 Honey 就會偏甜少少 🤏🏻Sparking Water 💰$50 一坐底店員就會問你想要普通水定係有汽水一見你杯水飲得差唔多就會行埋來幫你斟水 勁好service🫡Overall既食物都好好食🤓🤓 如果豬頸肉有埋汁點或者調味重啲就perfect啦😚😚💡INFO評分🚥: 9/10價錢:人均$793地址📍:Shop C, G/F, 1-3 Cleveland Street, Fashion Walk營業時間🕰:🕒星期一至日 12:00-22:00