突然間好想食辣嘢🌶所以就約咗四個麻辣朋友出嚟一齊去麻辣下😜 四個女仔🙆🏻♀️💁🏻♀️🙋🏻♀️🤦🏻♀️係四人限制令之下,去咗位於尖沙咀出名食酸菜魚嘅一間餐廳 - 廚十三Chill下~四個女仔一黎到就立即order咗土豪份量嘅老壇酸菜魚🐟店員將盆酸菜魚放上枱嘅時候就,真係覺得好震撼,因為佢個盤真係好大,放左係枱中間係完全用曬成張枱咁濟,令人''嘩''一聲🐟🌶 呢度嘅酸菜魚係一片片魚片咁嘅,主要係用鱸魚或桂魚起骨切片而成,魚片入口嫩滑而且酸菜魚嘅湯底都好香濃,酸辣得嚟又好開胃,朋友仲因為咁樣而要order一碗飯🍚嚟送添,仲話冇理由食酸菜魚唔食飯去中和下,真係笑死我🤣🤦🏻♀️ 雖然嗌咗最大嘅土豪份量,但係四個人都只係覺得啱啱好,食完成盤都唔係好夠咁😅疫情前我哋四個都好鍾意北上食太二酸菜魚,但係而家冇得去就唯有留喺香港食住老壇酸菜魚止止引先啦🤣