話說睇到電影劇集《愛我請留言》其中一集既玻璃曲奇..好似好得意咁~ 所以我都決定試下冇野搞搵野黎搞…XD 對於平時一向不多入廚既癲子來說,之前試過雞手鴨腳自家製PIZZA 今次整曲奇…確實係一個大挑戰…(寶先生更取笑我會失敗而回) 先說明今次不是教學…而係自家試製分享…哈哈 好~!大挑戰開始! 唔想睇文字版既話 ,可睇影片版 : https://www.youtube.com/watch?v=W6zVL6_ZmEs 材料方面 : 低筋麵粉 200g 、 糖粉60g 、泡打粉2g、鹽2g、牛油 100g、Fox’s 糖、雞蛋40g 將牛油、糖粉、鹽倒在一起~!(先用室溫溶左牛油先會易撈啲) 用打蛋器打至鬆發~ 記住要打到變牛油糊…=_=…(多次失敗後感言….淚奔) 再分幾次加入預先發勻的雞蛋,混入之前已發好既牛油度,然後撈勻 之後再用麵粉篩篩入低筋麵粉及加入泡打粉,用膠刮將其伴勻~ 搓成粉團後,放入雪櫃冷藏一小時~ 冷藏一小時後 ,用麵粉碌將粉團碌平~ 碌呀.. 碌呀…碌到3-5mm厚~ 之後就可用餅模整自己想要既形狀出黎啦! 買餅模果時建議買一個大SIZE一個細SIZE 印模果時,我覺得自己好似玩緊泥膠..XD 其實中間吸出黎既部份都可焗成曲奇 ,一舉兩得~ 放入焗爐焗十分鐘~ 望住自己D曲奇係焗爐..好緊張..好緊張呀~~ 十分鐘之後,將壓碎左既Fox’s 糖放在曲奇中間位置~(用保鮮袋包住再用麵粉碌打碎就得啦~~!) 然後再入焗爐以160度焗十五分鐘~ 玻璃曲奇完成..個樣都靚靚仔仔喎~ 呵呵..成功! 原來冇野搞搵野黎搞..真係WORK架! *食譜由網絡搜尋提供 ❤❤❤❤❤❤❤❤❤❤❤❤❤❤❤❤❤❤❤❤❤❤ 更多的平台: ❤TheZtyle❤ ❤BeautyLife❤ ❤Youtube❤ ❤Fashion & Beauty ❤ ❤Blogspot❤ ❤She.com❤ ❤BeautyExchange❤ ❤Facebook❤ 只需☝點 click 就可直達平台(o^ ౪ ^o) 聯絡Tine/癲子 ✉: cocoho_1020@hotmail.com / cocoho1020@yahoo.com.hk 不時推介好玩, 好食, 來專頁跟我互動一下吧 (❛◡❛✿) : www.facebook.com/MyCupOftine