Kumamon（熊本熊） 與功夫熊貓阿寶…它們相遇了!!! 最後佢仲跟左我地返屋企添....另外我地喺遊覽中途仲聽到避難警號... 到底發生左咩事呢？？...（想知詳情就要留意短片啦...哈哈） 而它們的相遇是這樣的… 話說當日癲子要展開衝上阿蘇山之旅~~~~~ 晨早六點幾就要出門..好眼訓啊 z z Z~ 咪住...等等先!!! 未正式講前，同往時一樣有片有文字版...可以隨自己喜好作出選擇～! <span style="background: white; font-family: 新細明體, serif;">影片版: 文字版 : 交通方面，我地首先由博多坐新幹線去到熊本 然後轉搭〝九州橫斷特急〞去到阿蘇站~ 點擊圖片放大 到阿蘇站，坐巴士上到阿蘇山口纜車站，再坐纜車就到阿蘇山啦! 一踏出火車站就可以見到巴士站同售票處！ 坐巴士既途中 ，會經過草千里 草千里…真係一望無際既草原..仲有可愛既牛仔、馬仔~ 沿途景色幾靚! 到纜車站~ 纜車站入面都幾多野食、飾品售賣… 阿蘇山茶屋既雪糕幾好味，有雲呢拿同綠茶兩款～！大推介～！ 係回程等巴士果時，不妨可行下、食下~ 呢架就係上阿蘇山既纜車啦~ 車程太約四分鐘…企到最前既玻璃窗位就最好VIEW! 轉下轉下..終於上到海拔1258M高既阿蘇山! 一出站就會見到火山煙霧警報系統~ 警報分為四個級別，青、綠、黃、紅~ 紅燈顯示是最危險狀態，會禁止觀光客登山，並同時疏散已登山的觀光客~ 而呢個警報級別都可以係網上查看得到..所以建議大家上山前可上網址( http://www.aso.ne.jp/~volcano/info.html ) 查看一下才決定上山~ 你知啦..山長水遠轉車去到無得登山好無癮架麻! 我地上到去時，級別為黃色..都屬於中高~ 要快d行啦…向著濃煙方向行過去，如果唔快萬一轉紅色就無得行啦~ 呢個就係阿蘇火山口啦! 上到黎， 當然要影相留念一下~ 突然見到Kumamon! 係影片版會見到Kumamon同阿寶Say Hello架~ 就係呢個情境，Kumamon 與功夫熊貓阿寶相遇了!!! 沿途會見到好似蒙古包包既係〝避難碉堡〞，係用於火山突然噴發時緊急避難~ 我都避一下先…真係好曬呀！ 從碉堡入面望出去可以將附近景色一覽無遺 係坐巴士途中見過草千里，而上到阿蘇山就見到砂千里~ 行下行下…突然聽到管理員吹起哨子…人群跑向纜車站方向~ 原來火山煙霧達至紅色級別，要避難~ 好彩差唔多睇晒阿蘇火山景色先到紅色級別~（詳情可睇返短片） 行完阿蘇山，如果有時間同興趣既話可以參觀阿蘇火山博物館～ 入面主要係展示有關阿蘇火山資料及歷史~ a 而阿蘇火山博物館對出草千里位置有騎馬體驗，可試下騎馬仔....當然係要收費~ 後記： 大家記住上山之前做好防曬措拖呀...因為一路上都好曬... 寶先生去左半日就曬到燶左啦....WAKAKAKA... 因為有人唔聽癲子話...無搽防曬...結果....呵呵呵 如果同我地一樣只係到火山口及草千里的話，預計停留時間半天就可以了 如果係會前往阿蘇其他景點（如士多啤梨園）及浸溫泉等地方 則建議大家到溫泉旅館留宿一晚 另外阿蘇火車站嘅火車係可以去到大分同別府方向... 至於行程規劃方面可以考慮喺呢度作為上午景點， 之後轉向別府同大分等地方繼續行程～！ 或者調返轉上午時份由大分及別府等地方出發往阿蘇，玩完再返熊本亦可～！ 希望大家會喜歡今次既遊記同短片啦～！ 短片最後仲有嚟緊新遊記既預告㗎，千其唔好錯過～！ 如果想睇下之前遊記短片，可以直接去到我地嘅YOUTUBE CHANNEL https://www.youtube.com/user/BoTineVDO 文字版重溫，較早前文章： 福岡飲食篇, OUTLET 熊本篇 湯布院篇 ❤❤❤❤❤❤❤❤❤❤❤❤❤❤❤❤❤❤❤❤❤ 更多的平台: ❤TheZtyle❤ ❤BeautyLife❤ ❤Fashion & Beauty ❤ ❤YOUTUBE❤ ❤Blogspot❤ ❤She.com❤ ❤BeautyExchange❤ ❤Facebook❤ ❤ELLE❤ 只需☝點 click 就可直達平台（o^ ౪ ^o） 聯絡Tine/癲子 ✉: cocoho_1020@hotmail.com / cocoho1020@yahoo.com.hk 不時推介好玩, 好食, 來專頁跟我互動一下吧 (❛◡❛✿) : FACEBOOK : www.facebook.com/MyCupOftine
