過往幾篇九州遊記入面主要以地方特式作為遊記主線... 今篇都不例外，今次主要集中介紹九州福岡位置的飲食同購物好地方 一如以往，會有「短片版」及「文字版」選擇 「短片版」會多一些現場寫實片段，挺搞笑的…哈哈 如果睇完而又喜歡我地嘅製作，可以俾個LIKE同埋訂閱我地嘅CHANNEL 我們會KEEP住更新㗎～！！多多支持～！ 「短片版」 https://www.youtube.com/watch?v=Egde1CUT_4o 寶、癲二人於整個九州旅程中，走過熊本，到過湯布院， 吃過馬肉料理，食過溫泉美食，更品嚐了九州拉麵… 多日美酒佳餚之中，有一間食店令我同寶先生留下深刻印象之餘… 仲一次過滿足晒我地三個願望「特式、好玩、又好食」 我們所講嘅就係位於福岡天神區嘅「釣船茶屋」 由天神地鐵站一出，沿住大街一直行大約十五分鐘路程， 就可以黎到呢一個以碼頭同漁船為主題的食店「釣船茶屋」 呢一間食店裝修以漁船以及碼頭作為主題， 除左有包箱可以入座之外，仲可以坐喺佢漁船設計大堂 整體氣氛真係好似上左船咁，我同寶先生就好彩地被安排坐於船頭位置 可以從一個更高嘅位置望晒整個飯店 除左裝修外，叫得「釣船茶屋」故名思義梗係有得「釣」啦～～哈哈 一坐好，待應就會為你送上準備好嘅餐牌、釣竿同魚餌等釣魚功具 你可以選擇先釣魚，再點餐，又可以落左單先釣魚 但釣魚前待應提醒我地給如果成功釣到魚就必要買左條魚 而不能釣完之後唔要，而佢地釣魚收費則以種類劃分 自己釣到會平啲，釣唔到仍然可以用原價落單，唔洗擔心釣唔到無魚食 大小價錢均一，而價錢中已包括加工烹調費用（部份特別烹調方法會收費） 好～！等我表演一下釣魚身手先～！ 令寶先生最意想不到的是，佢以為我會釣唔到魚… 誰不知癲子好好彩地，不消三分鐘就有魚上釣…. 而且係一條中等SIZE的平目魚（於店內釣魚類最貴的一種，龍蝦則為非魚類最貴） 價值2980円 我地選擇將條魚做刺身，自己釣嘅魚特別好味～！！WAKAKAKAKA 除此之外，我地仲叫左少少壽司，以及一個餐牌推介的蟹肉蛋泡飯 蟹肉爽口鮮甜之餘，鮮咪更滲透於整碗泡飯之中 食人一試難忘。 其實釣船茶屋不只於福岡有分店... 其實於日本多個地區（大阪、東京等）都有分店的 大家可於以下網址睇下，另外網站入面仲會有優惠券 PRINT出黎，去到用會再抵啲㗎...(小會計上身～！） 釣船茶屋：http://www.zauo.com/ 咁順帶一提，其實喺九州都仲有另一樣必到嘅特式食店 就係屋台啦～佢地住要係為於天神、中洲川端到博多一帶 入左夜之後，幾乎可以話係通街都會見到⋯令人想起日劇經常出現的場景 而呢類型屋台主打拉麵、燒物同埋關東煮... 有好多日本人放工會一班人去到飲返兩杯添～！ 我地梗係唔會錯過呢一個咁有地道特式嘅嘢啦～！！！ 價錢唔貴之餘，味道都唔錯㗎～！ 同場加映：OUTLET購物篇 整個旅程中我地預留左一日時間去一個位於福岡海邊嘅OUTLET 只要去返JR博多城門口附近巴士站， 乘搭303號巴士，45分鐘車程就可以直達OUTLET 而呢一個MARINOA CITY FUKUOKA擁有超過150間店舖… 由潮流服裝、玩具童裝、藥品、食店、遊戲機中心到家區日常用品都一應俱全~ 而另一個吸引嘅係佢有一個兒童遊樂場，可以讓小朋友玩 家長就更加可以安心走去購物啦～！ 而呢一度貨品嘅價錢方面都普遍相對天神地下街及商場平一截 另外部份新貨就同正價差不多，所以要視乎你買咩啦～！！ 呵呵…呢一個袋好可愛呀… 點擊圖片放大 仲有呀，呢一個OUTLET有一個好靚嘅摩天輪， 行到攰同情人上去浪漫下都係一個唔錯既選擇～！ 呢一啲就係癲子嘅收穫啦～！ 咁除左OUTLET以外，經開天神區的話可以順便去行一行【天神地下街】 日本地下街發展一向都非常成熟， 而天神地下除店舖臨立之外，仲貫連左多條線路出入閘口 轉車之餘又可以SHOPPING都咪話唔方便~ 再遇上天氣炎熱又或者落雨就更見其優勢啦… 貨品方面絕對係緊貼潮流～!但價錢方面則不算便宜了… Normal 0 10 pt 0 2 false false false EN-US ZH-TW X-NONE ([{£¥‘“‵〈《「『【〔〝︵︷︹︻︽︿﹁﹃﹙﹛﹝（｛ !),.:;?]}¢·–—’”•‥…‧′╴、。〉》」』】〕〞︰︱︳︴︶︸︺︼︾﹀﹂﹄﹏﹐﹑﹒﹔﹕﹖﹗﹚﹜﹞！），．：；？］｜｝､ /* Style Definitions */ table.MsoNormalTable {mso-style-name:表格內文; mso-tstyle-rowband-size:0; mso-tstyle-colband-size:0; mso-style-noshow:yes; mso-style-priority:99; mso-style-parent:""; mso-padding-alt:0cm 5.4pt 0cm 5.4pt; mso-para-margin:0cm; mso-para-margin-bottom:.0001pt; mso-pagination:widow-orphan; font-size:12.0pt; font-family:Cambria; mso-ascii-font-family:Cambria; mso-ascii-theme-font:minor-latin; mso-hansi-font-family:Cambria; mso-hansi-theme-font:minor-latin; mso-font-kerning:1.0pt; mso-fareast-language:ZH-TW;} 下回預告： THX FOR WATCHING～！ 喜歡的話，歡迎訂閱我地嘅CHANNEL YOUTUBE CHANNEL：www.youtube.com/user/BOTINEVDO ❤❤❤❤❤❤❤❤❤❤❤❤❤❤❤❤❤❤❤❤❤❤ 更多的平台: ❤TheZtyle❤ ❤BeautyLife❤ ❤Fashion & Beauty ❤ ❤YOUTUBE❤ ❤Blogspot❤ ❤She.com❤ ❤BeautyExchange❤ ❤Facebook❤ ❤ELLE❤ 只需☝點 click 就可直達平台（o^ ౪ ^o） 聯絡Tine/癲子 ✉: cocoho_1020@hotmail.com / cocoho1020@yahoo.com.hk 不時推介好玩, 好食, 來專頁跟我互動一下吧 (❛◡❛✿) : FACEBOOK : www.facebook.com/MyCupOftine
