【肥寶有話兒 EP．1】 大家好，我係寶先生呀，唔好意思，打搞晒…哈哈 由於之前一次聚會後有感而發，所以寫左呢一篇BLOG， 其實寫好左好耐，但無地方分享…於是就借用癲子BLOG黎分享一下～！ 話說早前同一班朋友飯聚，想想當年… 突然因為一個兒時零食名稱大家傾得異常咁興奮 大家更細數自己當年嘅零食經典…雖然大家都係80後，年紀差不多… 但因居住環境、生活文化、習性有異，所以大家都各自有自己獨特嘅經典～！ 結果一傾就傾到收唔到聲～！（話走話走…結果傾多成個鐘都仲未走） 由於悉逢當時就近聖誕節，於是因應這一個經典話題而忽發奇想… 決定今年聖誕聚會決定以「童年時經典零食」為交換禮物主題… 好讓大家懷緬當年同時為陪伴我走過童年的零食們致敬～ 為了令參加的人用心點花心思，所以定了以下規則… 如果有人買左相同既就會被罰…同埋要買夠50元為止～！ 終於都黎到聖誕PARTY當日啦～！ 除了有豐富食物外，當然唔少得朋友們大愛的飛鏢活動啦～！ 當日最重要環節啦～抽奬環節～！大家都預備充足～！！！ 我們各自抽到咩、有無相同都唔緊要… 因為更值得一談的就是可以重新遇返好多兒時好經典嘅零食… 再次鈎起不少童年回憶… 一於去相睇下到底有咩咁經典先～～！ 其實我無食過蟹肉酥...哈哈....吱吱冰一到夏天就差唔多一日食一支 （左起：朱古力眼鏡、米通、話梅、啫喱糖） 特別要提一提眼鏡朱古力....細個嗰陣每次買完返到屋企都一定會問媽媽拎兩條橡筋， 將朱古力整成一副眼鏡咁...然後載起佢扮嘢... 以前不用戴眼鏡就貪得意買黎玩...而家要戴真眼鏡時就死都唔想再戴... 唔知大家會唔會咁呢...（其實當日我都整左...不過太驚嚇唔出得街） 好多不同牌子的熱狗糖～！！！！但係其實味道差唔多.... 仲有到而家癲子都仲好鐘意食既桃蝦多同童星點心麵.... 但其實我鐘意食媽咪麵多過童星點心麵.... 滿記檸檬糖同埋鱈魚絲 另一個童年經典必定係戒子糖...仲會一邊戴喺手一邊啜～！ 而呢一個就係我從來未食過既太空糖....其實見到未見過...（零食既嘢...我真係識條鐵...) 癲子一見到就發聲尖叫... 原來係佢細個良朋益友....(MARK低佢先....) 呢一堆你又識幾多呢...？ 同場加兩個童年必玩玩具，竹蜻蜓同埋玩具飛機...你地又有無玩過呢...? 我最想收到既....竟然係無人買....因為怕同人撞....所以無人敢買.... 咁係咩呢....咪就係呢一個囉...呵呵呵....因為我細個嗰陣好鐘意唱歌架... 我仲笑言收到會高歌一曲過佢聽....哈哈....可惜.... 後記： 作為一名80後，年紀剛好由2字頭轉向3字頭… 未知大家會否發現踏入成人世界後…營營役役.... 縱然跟友人相聚，大家坐埋一齊話題離不開呢啲.... 人工如何？工作發展？買樓未？最近買左咩股票…？幾時結緍…？？ 但係談過現實生活過後，大家總會記掛著彼此的童年往事、青春回憶、熱血充勁… 這話題一開，相信足以讓大家一談再談…笑完再笑… 說到底現實過後，我們仍然對天真既童年回憶充滿懷念... 當中最寶貴的是人長大後慢慢被遺忘嘅「純真」同「夢想」.... 今天回望，相信大家仍然會為自己當年既傻勁純真咁作出會心微笑～！ 唔知大家嘅童年又點嘅呢...以上又有無一樣零食出現過而又令你鈎起童年回憶？ 如果無你地既經典不妨一齊講黎分享下～！！ 期望下次再有機會在此BLOG分享～！希望唔悶親大家！ THX FOR WATCHING～！ ❤❤❤❤❤❤❤❤❤❤❤❤❤❤❤❤❤❤❤❤❤❤ 更多的平台: ❤TheZtyle❤ ❤BeautyLife❤ ❤Fashion & Beauty ❤ ❤YOUTUBE❤ ❤Blogspot❤ ❤She.com❤ ❤BeautyExchange❤ ❤Facebook❤ ❤ELLE❤ 只需☝點 click 就可直達平台（o^ ౪ ^o） 聯絡Tine/癲子 ✉: cocoho_1020@hotmail.com / cocoho1020@yahoo.com.hk 不時推介好玩, 好食, 來專頁跟我互動一下吧 (❛◡❛✿) : FACEBOOK : www.facebook.com/MyCupOftine
