今晚在家感覺特別寧靜，我關了播經文手機，關了電視，煮了一個麵吃，洗澡睡覺。 原本明天有工作接機2位，代辦身份証，安排驗身……想起這麽早要入機場真的沒心情，情緒很低落，所以通知老闆我明天不能工作。 原本計劃沉睡幾天休息，治癒一下心情才回男家，重新開始正常生活。 所以我真的沉了2天(閉關沒出門)，有一點我覺得睡得不好，晚上好像外面總有聲，有時門口大門傳來，有時廚房或廳。但我每晚回房就會關房門，自己燈亮著不關照睡，每晚戴上眼罩，這已經是我在這睡習慣了。(之前師傅講過睡覺前後ch比較接近，婆婆會在床邊望我，師傅話見到婆婆唔洗驚，事實我會驚，所以我就載眼罩睡比較好) 星期三早上，我約了買家賣出2包尿片，和之前約好要做美容，所以出荃灣了。中途時間我很衝動去剪了多年長髮，對! 我剪了……(•ˇˍˇ•)除了中學失戀時，我把自己長長秀髮，剪到男仔一樣短，今次是我第2次剪短，但今次我不敢太短，因為髮型師好擔心剪完我反口，不斷提議我不要剪太短。最後跟髮型師意思，我只想清爽一下，剪髮有點重生感覺。 看看我的煩惱絲…… 長度勉強可以扎到dd, 頭髮輕了很多，如果扎起來正面看不知我剪短的。 處理完已經晚上6點，沖沖坐MTR趕回家，晚餐我好像開了罐頭，也像7-11買了RITE芝士餅，嘉頓花生味忌廉賓特價$11有2個，不起得吃什麼。 當晚12點左右入房睡，但也睡得不好，半夜醒了去洗手間，發現手機只是2點，回床繼續睡覺，突然靜靜環境，傳出清楚聲音，真的感覺廳有人行來行去聲音，開櫃桶聲之類聲音，果刻好驚，因為知道不可能是賊，沒爆門聲音，我戴著眼罩不敢動，我本身面向牆睡的，所以心裡想扮訓覺吧! 當時不要說睡，這些聲音已令我連呼吸都不敢，突然一陣大風吹來，我個心跳到非筆墨能形容，禁大風真係好x驚，全身毛囊都縮起來，然後感覺張棉被拉高，像幫我蓋被感覺，按下被旁邊禁，果刻個心先定左d，原來係婆婆，正鬆一口氣之時，聽到她問我，知唔知我番過黎探你? oh my Goh,硬著頭皮答她: 當然知道，就係知道你一定會番黎，我怕沒人在家等你，你會傷心，所以我留左係到睡囉，你唔洗擔心我，安心走啦，當時我滿腦子都是(你做咩未走)，我繼續同佢講概然你都番左黎，我明天就番屯門，你安心走啦! 其實自己開始語無論次……佢一直禁喊……俾我感覺唔捨得走禁…… 之後我醒左，除眼罩成個人彈左起身，其實不知道係夢還是她走左，見到當時手機只是4點，有排未天光，無理由半夜打俾師傅， 好想飲啖水定驚，點知個杯沒水，驚魂未定都要出房飲水，出到廳當然衝去開燈啦(燈制在大門位置)，望一望神枱，阿婆張相移左位，好明顯移左，嚇到我杯蓋都跌爛埋，你們不能怪我禁驚，成間屋得我一個，果刻我都唔知可以搵邊個壯膽，好驚禁硬著頭皮伸手去，放番好婆婆張相，裝香拜拜佢同佢講放心上路，唔洗擔心我，即刻攞手機播番般若波羅蜜n次重播。回到房再用另一個手機，播六字大明咒，再食2粒安眠藥，叫自己冷靜d. 希望睡到，當然睡不到勉強禁等到天光，天光那時真的睡著了。 9點收到福利署曾姑娘電話，提我今日約左我下午2點交婆婆文件，然後我當然起身，接著到煤氣師傅打來說在附近，可以來抄錶，我立刻答應叫他來。 當然想起我還有工作，星期四一定要做，其實昨天回公司見到份件可以交，帶了出來想今日幫公司交。 於是收拾心情換衫，等煤氣師傅入屋抄錶後，我跟著外出工作兼辦事。 出到外面真係無禁驚，滿腦子昨晚情況，wechat師傅但一直沒回覆，忍不住同自己好朋友whatapp談一下，因為我太需要人安撫了。 再想到舅父，問舅父有沒有夢見婆婆?舅父說沒有，心想太可惡不去嚇佢，但他說舅母有夢到，婆婆叫舅母唔洗再擔心佢，可以放心，問舅父是火化後夢到嗎?舅父說是。 聽完我真的有點嬲，偏心呀!又係禁，對住個仔就唔洗擔心，對住我就喊……嬲呀! 當然我無講出昨晚的事，仲好有禮貌用whatapp謝謝呢幾年，舅父舅母好好照顧婆婆。 過左大半日我已經平靜左80%，至少一定係親人唔係點會幫我蓋被，我禁驚都係果陣風吹到我好驚。而且總覺得右手痛痛地，唔知係咪阿婆拖著禁。 所以吃東西自然分一份俾阿婆，當佢係到禁。 辦好晒所有工事，下午2點半，我坐左係家鄉雞因為有wifi，終於忍不住問L朋友睇左wechat未.如我所料他們沒留意沒看。 L朋友睇完話唔係掛……我睇睇再答你。 我同佢講佢好似現在都係到，我feel到右手。L朋友就話查完再覆我，仲笑我驚咩阿婆黎隻，佢掛住你探下你之嘛，唉! 問題她出場時攪到我好驚而且呢d情節應該回魂夜發生，我以為佢走左，沒心理準備嘛。我話你幫我睇清楚1個定2個番左黎，佢地有無咩我要做……。 雖然等不到師傅覆，時間會令自己冷靜左好多，昨晚的事想了又想，覺得應該婆婆，都係番屋企先，坐係KFC都不是辦法，回到家樓下買埋晚餐，想想都係買2個飯比較好，一人一個啦，概然感覺99%係婆婆。 回到家一等再等，終於到6點幾，等待真係一件好漫長的事，(當你想找一個人，但對方一直沒覆)，終於忍唔住打電話俾師傅啦! 我開始厚臉皮起來，原來師傅剛收工買緊野(師傅有正職)，師傅答我係婆婆，就佢1個番左黎，佢有路票番黎探下都可以，我個心先真係定晒，而且她可能未到期投胎，掛住你番黎睇下你，我問要像之前同她吃飯嗎? 師傅話裝香就得，如果你想買野佢食，分俾佢都可以，跟以前教你禁唸(嗡阿吽)。因為現在開番神枱，裝香要跟次序，一定先裝觀音，跟住地主，最後到先人。 婆婆食咖哩雞珍珠飯，幫婆婆叮番熱，白飯加水(亡魂吃的白飯都要加冷開水的)。 我原本買左韓式撈飯，因為我真係無胃口，放雪櫃明天吃，始終有點無奈感覺，全日開播般若波羅蜜重播，希望婆婆放下上路。 小知識: 原來先人可以放肉拜祭，所有神都不用肉只可生果祭品。 呢到大家一定奇怪，地主唔可以肉?禁平時還神大家用燒豬，雞?首先如果拍劇果類，其實所謂拜神，拜鬼才對，開鏡係拜拍攝順利，等於拜附近遊魂野鬼，唔好阻拍攝工作。 住家或一些公司都有做芽，還神? 呢d係我們自己覺得買呢d拜神先夠誠心。其實做了神當然就不殺生，菩薩食斋菜，所以神又點會想食殺生的食物呢? 這樣解釋又真的對， 師傅話拜神生果就足夠，所有神佛都係用生果拜祭。 當然你買錯野拜，神唔會嬲，因為心意問題，裝香拜神要的心意，沒心拜插香沒意思。所以想裝香就裝，跟本無分時間，自己舒服安心就可以。 上了寶貴一課，因為我是不懂拜神。不同宗教信仰，請原諒小妹。此為小妹親身經歷，鳴謝沒收錢師傅，L朋友一直幫忙。
