今日打電話同師傅再確認一次明天什麼時間，他們上路，我要準備什麼?師傅話我沒什麼要準備，衣紙錢他們都夠，師傅要幫他們開路，通知地藏菩薩，公公才可以同婆婆2人一齊去，所以我沒什麼準備。 當時我家中還有些金銀未燒，因為我以為往生走當日要燒，所以星期三買多左，師傅話可以今日燒埋，另外我仲有件衫想燒俾婆婆，師傅話都可以門口燒埋去。 於是我通知老公幫我搵，叫佢幫我搵攞來俾我燒俾婆婆，件衫係我之前買左，未送俾婆婆，我好想燒埋俾婆婆。 思前想後就要落街買多d食物,給他們晚上食通宵食飽d,想買他們喜歡吃的，然後想到我們不如去茶樓飲茶，很久沒有一同去飲茶，所以先到附近商場酒樓，這裡是屋邨商場，酒樓可以搭枱的，於是選了一張5-6人枱，同別人分享半張枱，開了3位茶芥，對面沒有什麼反應好彩沒有嚇親人。 當我開了茶位3位叫了普利茶後，我突然擔心，如果公公婆婆沒跟著我，我就會浪費金錢，因為他們可能去探舅父，所以即刻打俾朋友先。 稱為L朋友吧! 唔好意思得唔得閒幫我睇下，婆婆公公係唔係到?朋友一句等等。 跟住講出黎都不得不信: 你開左普利茶，對嗎? 是的(你們一定想，知道飲普利唔難，撞都撞到) 你婆婆在你左邊坐，公公在你右邊，你坐中間，嘩嘩! 中晒，因為我半張枱，入面安排婆婆坐舒服d ，我坐中間方便夾食物給他們，右邊公公坐，而且因為婆婆用左手，所以我坐低時已經叫婆婆坐入面，筷子都放好左邊俾婆婆，公公用右手所以筷子放右邊。 即刻放心晒，L朋友仲問想知咩，我話沒野啦，我點菜前想知佢地係咪係到隻。 L話公公婆婆好開心，你地慢慢食啦! 跟住提我記得去驗身，佢地擔心你，仲有唔洗再點香煙俾他們，他們不想你咳，一陣燒埋包煙。 開始劃紙點公公婆婆喜歡點心，另外點了他們喜歡涼瓜排骨抄河。 今次我聰明了，因為師傅講過拜祭亡魂和他們同枱吃飯，他們吃完後食物，不適且我們再吃，一定要掉的，拜神的可以吃，鬼，亡魂食物唔可以生人吃，所以河粉一到我先給他們各一碗，自己果份不吃，叫姐姐俾個盒我，我打包自己果份，同他們講留番今晚我自己食慳d. 點心當然一人一件，通常3件。 我們坐左1個鐘，其間茶凍左，我又倒左佢再酬過熱的。 午 老公下午來到，幫我手燒野，燒晒金銀香煙，衫 我真係有檢查過，而且自己買左幾多香煙我點會不知道，奇就奇在這裡。 燒完晒老公陪我去街市買生果，買廣東米酒，買斋，買零食，總之想到他們生前愛吃都買……燒肉，雞，鹵水鴨，鹵水豆腐，燒味檔墨魚，生腸，糖水……(♡＾▽＾♡)希望他們開心安心上路。 放下所有食物，我就讓老公先回家，他有其他事忙，我自己處理就可以，當我鋪放食物時，突然發現卡碧Σ⊙▃⊙川，點解有包全新卡碧香煙在枱上，即刻打俾老公，問佢係咪黎果時專登買俾婆婆吃，佢居然答我沒有買!!! ∑(°Д°ノ)ノ 果刻我又將禁靈異事打俾朋友L, 問朋友其實阿婆仲要吸煙呀? 朋友話唔係掛，燒左都仲係到，跟住唔好理我燒漏左定係咩原因多左包煙，我叫L直接問下婆婆，係咪要吸煙……朋友L話婆婆真係仲想吸煙……嗯，心想好明顯啦，成包煙新的係到……我當然點埋它，就只剩一天往生。 最後幫他們準備的晚餐了，經濟問題感覺不夠最初豐富(๑′°︿°๑)
