醫生開了3日藥，現在一咳就瀉，再因為經期個肚凍冰冰，我要用暖貼加暖，減輕抽抽地痛楚，先睡到，醫生支咳水第1晚已經飲晒，第2日自己去藥房買咳水，自己知自己事，不要化痰成份，要止咳就可以，繼續食醫生其他藥，因為他開了2種消炎，寫明要食晒。另外我亦飲念慈奄，覺得喉嚨舒服些，再加喇叭牌。 落到街買咳水，就決定去大快活和婆婆公公堂食，第1次堂食，平日不多人，點了一個焗豬扒飯，3份吃。 食物方便我唔食，佢地都要，所以順便買了晚餐回家，泰國菜外賣給他們，咸魚雞粒炒飯，泰式金邊粉，到晚上我微波爐番熱，因為我們同枱吃飯，我夾一小碗金邊粉吃，同婆婆，公公分享食。 呢3日病到我真係不太記得，只知道經痛好利害，血崩一樣，可以躲進床休息我就在床上。師傅係星期四有給我電話，話我婆婆走去搵師傅，同師傅講我心臟有問題，血液流動有問題，要我去睇醫生或做個身體檢查(°ー°〃) 當時我有d尷尬，我同師傅講其實我經痛，可能他們誤會，呢一刻我不得不說，信係婆婆通知佢，唔係師傅做咩叫我去做驗身，師傅話婆婆真係覺得你心臟血液流動有問題喎，於是我就答應2月覆診同醫生講，我會檢查。 我無謂不答應先人要求吧?講都禁擔心我…… 我們之前定好了20號星期日，公公婆婆會往生上路，好彩星期六我情況已經正常沒有肚瀉，醫生藥都食完。 起身準備今日他們上路食好d.
