今晚同師電話3人會議，我終於發脾氣了，因為我覺得婆婆太多要求，婆婆家其實廚房很多東西2015年已經過期，抽氣扇又壞，水龍頭又漏水，洗碗洗菜要去洗手間，婆婆住了老人院幾年，間屋好多野壞左，煮1-2餐同枱食飯不緊要，現在仲同師傅要求遲d上路，想留耐d…然後師傅仲話原來我外公都未走，2002年公公離開，當年我還小，由婆婆同他們仔女處理，好記得要好多萬，又訂大酒店又守夜又破地獄，舅父仲要同朋友借錢做白事，但現在師傅居然話公公一直在骨灰奄個位，因為沒有路票不能去任何地方，站了17年，又收不到我們燒的野，我理智斷晒……想暈低。 冷靜落黎1個同2個都一樣，禁我買野燒，原來路票好重要，如果你們信這方面，找師傅做白事真係要睇睇師傅燒咩，係咪真係識。 基本只要:路票一張，寫先人全名，生忌，死忌，邊日燒，衣紙鋪可以幫你寫，溪錢，往生錢，金銀衣紙，銀紙。其他物品其實心意，視乎個人經濟去買，沒錢可以無需買，因為不是必需品。 後來我有問師傅，點解他們不報夢俾舅父，或他們子女，因為我其實外孫女。 原來他們仍是亡魂未落下面報到，未有這些能力，而且還要看親人磁場，而且新鬼仲會被其他遊魂野鬼欺負添……唉……我好明顯時運低。 講到這裡我要介紹家庭背景，舅父係外公外婆唯一兒子，至於女兒都不在身邊，有移民有斷絕關係，包括我母親已經失蹤多年……現在剩下就舅父一家和我。 由於這段時間，照顧先人裝香，同枱食飯問題和他們有吸煙習慣，我住了下來。 其實我已婚有男家，但我無可能帶2個回去，還提出同枱食飯吧?我想別人一定以為我精神病，而且他們跟著我，不跟舅父有原因，因為舅父不信這些，經過上次昂貴付出，今次舅父選經濟的，排火化和放在外公位一齊就可以，可以算咩都唔做亦唔信。 不記得第幾日，舅父終於來外婆家找相做車頭相，見到我祭品枱格局，舅父只係語重心腸同我講，你覺得心安就整，唔好俾人呃就得。 那我還說什麼……自己處理吧……
