近3個月我發現葵芳地鐵站，真的值得大家去逛，首先貴的有新都會廣場，戲院的娛樂；平民的有葵涌廣場，佢保留左最舊撈金魚換玩具和文具遊戲，食物多得有40多間小店，但今次我要介紹的是古法蒸腳服務，店主是位年輕女性，非常漂亮第1次創業，佢是葵涌廣場第1間蒸腳店，最近已經開始有其他同業出現，有送雞煲的，但只是一張優惠卷雞煲要去荃灣食，另一間有按摩器，但要自己拿著，這不是自己更累嗎，按摩器並不輕啊！噱頭真係可笑，我始終喜歡始袓的古法蒸腳，每次$68一次， 有45分鐘服務，專業點不加花巧更合我意，大家可以選擇用什麼材料蒸腳，我通常都是艾草/苦蔘蒸腳，舒敏，去濕，排毒是我最愛，重點我沒有擔心衛生問題，每次看著她吸水消毒，毛巾就交收清洗的，進入鋪內有7張大椅，大家先在門口換鞋，而我方便起見，每次都穿短褲來，大家不要穿非常緊牛仔褲，因為蒸腳過程會出汗，你亦可以換褲，店內有短褲更換的， 店主會傾斜木桶，讓我放上一對象腿，蓋上一條大毛巾，等約2分鐘就熱起來，蒸氣不斷上升，記得夠熱要通知店主停溫，店主解釋每個人受熱不同，所以每個人溫度都要通知她停，停了後就會keep住呢個溫度出蒸氣，木桶內有一個木腳踏，作為腳底按摩用，因為熱我好自然就會碌來碌去，真係出晒汗，幫助血液遞環，45分鐘就像一場帶氧運動一樣，而店主今日花茶是雛菊，對降火排燥明目舒肝最好，我個人覺得蒸腳簡單，可以同媽媽，婆婆一家人蒸，增進和諧，店主有影片播放，不過45分鐘睇唔晒，可以分上下，下次繼續，靚靚店主都很順得人，從來無迫我買套票，而我覺得每次蒸後，更易入睡，所以值得推介俾大家！另外我每次來到都會飲彩虹沙冰 特價$20 和大滿足手握壽司 $38 有海膽鮮帶子 勁正！地下$10一串串燒亦不能錯過，如果大家有時間行完食完，可以去蒸蒸腳休息，有花茶有戲睇，消費又唔貴，可以多一個景點俾香港人回憶一下。點擊圖片放大 +2
