不知道何時猛鬼高街,已經變成一條SOHO區範圍,同朋友慕名而來,食和牛漢堡,飲其獨有手工啤酒,Granville Island 見到一邊櫃放滿支裝手工啤酒,同3張紅色豬,雞,牛,各部位的圖,黑板食物介紹,簡單介紹左間店的精選。 首先澳洲和牛漢堡,選左7成熟,真係無想過,漢堡都要選幾成熟,漢堡配上薯條一同上板,係呢到全部都用木板上枱,薯條厚切,幾脆,但咸左d,主角和牛真的嫩滑feel,中間仲有d粉色。 澳洲和牛漢堡配薯條 另一個小食係芝士忌廉車厘茄烤大啡磨菇,呢道菜雖然名好長,但真係超級好食,因為大啡菇不單唔乾,而且好juice, 非常開胃的小食,芝士真係唔少得。<a href="https://resource02.ulifestyle.com.hk/ublog/wp-content/blogs.dir/0/10165/files/2016/09/IMG-20160911-WA0007.jpg"> 手工啤酒亦是今次來目的之一,我選了果味系列 荔枝手工啤酒,嗅到荔枝清香,啤酒比較易入口,清淡味道,很適合我唔太飲酒的女孩,易入口又有果香,朋友喜歡濃口味,選了煙燻咖啡味手工啤酒,不過朋友唔覺有煙燻,咖啡 而且覺得很淡,唔夠濃。 跟住我們叫了一個小食拼盤,食物炸得夠脆,有水牛城雞翼,炸洋蔥圈,炸尤魚圈,薯條,蕃薯條,5種。 唯一美中不足太咸,我覺得落太多鹽了,店主唔落鹽,改放樽岩鹽係枱,讓顧客自己落會更好! 總括服務真係好好,店員都很詳細介紹各款啤酒,食物選擇,而且我們要求加西芹,佢地免費加俾我們,當日都很多人在店內,食物賣相不錯,影相都好靚。 我們仲叫左個雞尾酒蝦,賣相好靚,蝦肉爽口,重點個汁酸酸辣辣唔錯,呢個菜可以自己整,買急凍蝦就得啦,不過情調呢樣野,當然黎店好d啦! 總括食物夠大份,食物味道都好濃,所以配手工啤酒就最夾啦!禁多樣食物,我覺得個大啡菇同和牛漢堡係最正!