唔知大家仲記唔記得，當年話打疫苗送層樓，全香港只得一個人中獎… 自此，我都唔想再玩大抽獎…太令人失落… 不過，今年生日過咗一個不一樣嘅八月﹗收到一份好特別嘅生日禮物，仲要由素未謀面嘅新朋友送…就係Life Young醫美免費送俾我嘅「Venus Glow™微米注氧深層清潔」(Glow)。 Life Young醫美，環境舒適 話說我聽同事們閒聊期間，提到最近有一間新開、走高檔路線嘅醫美，話服務幾唔錯，其實一聽到呢度，耳仔都會準備自動緊閉，雖然我冇乜做過醫美，但想像之中，醫美得一個字――貴﹗斷估個個療程都起碼5位數字以上，試都未試過就要付出咁多錢，唔合乎我理財原則﹗ 點知聽下聽下，同事緊接落去講，話原來係免費療程…免費喎，於是我非常留心咁聽，睇下呢個著數係難唔難拎先。 原來Life Young醫美為咗慶祝上個月底喺尖沙咀嘅旗艦店新開張，推出好多$0優惠療程，我兩位同事LIKE完Life Young醫美IG同FB，再去打卡，就享用到一次免費嘅Stellar M22脈衝光療程，兩個同事仲係約埋一齊上去尖沙咀Life Young醫美新店做療程，我心諗，估唔到真係有醫美大贈送…於是我都忍唔住上網睇下有乜著數拎啦，原來Life Young醫美IG同FB都幾易搵，Google一search就搵到，撳個like，easy job啫… Life Young醫美官方Facebook 再睇下Life Young醫美官網，發現佢地都幾特別，就係有一個Eshop網站Life Young eShop，入面啲優惠都幾容易搵到，一撳「破價優惠」就見到【8月壽星仔女🎂 黎拎禮物喇！免費三選一療程】，咁岩我都係8月生日，之但係，我係喺8月尾先至生日，唔知合唔合資格…不過，就膽粗粗玩下啦﹗點知，冇幾耐就收到一個miss call..大家知幾多junk call…都冇諗住打返去啦，點知再隔多一陣，就收到Life Young醫美WhatsApp聯絡我，職員話打過電話俾我冇人接聽，估唔到佢地都幾盡責喎，好彩有WhatsApp客服同我聯絡咋，唔咪就可能錯失做免費療程嘅機會嚕。 破價優惠真係$0，好驚喜 【8月壽星仔女🎂 黎拎禮物喇！免費三選一療程】講到明療程可以三選一免費做，呢三個療程分別係：Glow 雞蛋肌 (全面) 價值$1350Viva 膠原凹凸槍 (全面) 價值$2700PiQo4 皮秒納秒 (面局部) 價值$2800 最後，我就同職員講，我揀Glow 雞蛋肌（全面）做我嘅生日禮物，睇到呢度，大家可能覺得我好傻，點解唔揀最貴嗰個療程做，反正都係免費，咁因為我上網做過資料搜集，覺得呢個療程最吸引我。首先，新一代Glow美容儀器係經過美國FDA安全認證，特別之處係Glow可以從根源根治肌底嘅污糟嘢，快速溫和清走頑固粉刺，對比傳統做開嘅「針清」有過之而無不及嘅效果，反而針清清幾多次，白頭黑頭都唔會減少，而且表皮仲不斷被破壞。第二，360度雙螺旋微水柱，除咗做面部深層清潔，仲可以做頭皮深層清潔，Glow嘅納米機頭係用吸嘅方式清潔，一邊旋轉滾動，一邊噴射出雙軌精細水流。每條噴射流直徑只有50至70微米，唔單止比頭髮纖細，更加只有毛孔5分之1咁細，係市面上唯一將水柱細緻化至可注入毛孔清潔嘅進階儀器。第三，我覺得呢個療程好適合我呢種唔係成日去開醫美嘅人，一個好嘅開始好緊要，首先深層清潔咗毛孔先，之後做嘅療程先會更加有效。 Glow嘅機頭係咁樣，後面有個水瓶，全程都會見到自己面上被吸走嘅污糟嘢 做療程期間，我塊面都感受到Glow深層清潔有一陣一陣吸力，吸走我面上嘅污糟嘢，不過唔覺得痛，做完成個療程之後，塊面仲有少少紅，治療師話係正常現象，結果我喺Life Young醫美食完幾件蛋糕之後，面部嘅紅印就退咗。 呢度就係我做療程嘅地方喇﹗好乾淨同舒服 治療師話，經過深層清潔之後嘅毛孔管道，變得暢通無阻，仲有助加快血液微循環，即時注入保濕原液可以誘發吸收，同時提升修護力，一個療程達到清潔毛孔兼且滋潤保濕功效…唔講唔知，呢個Glow療程原來除咗皮膚之外，連頭皮都可以做，如果做喺頭部，就有助清除堵塞毛孔嘅污垢油脂，去掉老化角質，毛孔管道經疏通之後，會重新吸收營養精華，令到肌膚持續水潤亮白，頭皮就會回復健康清爽，有利頭髮生長。 其實我頭髮都有啲少…好想試下深層清潔頭皮，不過，今次送嘅生日禮物主要係做喺面部，所以等下次啦﹗ 總括嚟講，今次Life Young醫美免費送俾我嘅「Venus Glow™微米注氧深層清潔」做後感係溫和舒適，全程唔痛，算係舒服，唔刺激皮膚，仲覺得塊面好乾淨，第二日上妝已經覺得貼咗好多﹗做完療程打返個靚卡，是常識吧。 打卡留念 如果你問我Life Young醫美好唔好，我覺得今次免費體驗真係好正，多謝哂呢份來得及時嘅生日禮物，令我嚟緊生日都可以以雞蛋肌示人，做個靚靚嘅壽星女﹗
