2: Mathallen> Restaurant Schrøder 去完幾個館之後，已經差不多日落時分，只嘆而家係冬季日照時間短啦 聽講當地人通常五點左右就食晚餐，餐廳通常就果段時間會比較多人 否則夜少少，其實大部份人都番哂屋企，人都唔見多個，身邊就單有白雪相伴 明明只係下晝五點幾，街上掛滿燈飾，本應很有聖誕佳節既熱鬧氣氛 （雖然我地一月尾去，聖誕節晨早就已經過左） 但人影都冇，有的只是孤清，若果呢度係香港，一定周街企滿哂人係度影相 原本俾人坐係戶外Chill下既高枱就只見厚厚白雪，遠睇又有少少似啲貴妃椅既XD 點擊圖片放大 入黑之後到底有咩好做？梗係去下難得會開夜少少既地方啦 咁有邊度係會開夜啲？不得不數開到凌晨，食店林立既小市場－－Mathallen http://mathallenoslo.no/ 係呢度，你可以搵到主菜、小食、食材、酒吧、廚具……與食相關既，大概都一應俱全 如果怕去到先覺得唔啱食，可以上官網睇一睇，有哂所有店家既資料簡介相片，實冇死 唔只有得食，Mathallen有時仲會搞啲活動，例如Tasting Tour及Band Show Competition 點都好啦，上網留意最新消息，報定名再出發就最實際 可惜我地去果陣就撞正咩都冇搞，唯有兜一兜就向住晚餐選址進發了 點擊圖片放大 講真落雪都冇咁驚，溶雪果下最恐怖，凍唔凍就算啦，污糟先係最大問題 成地都係半溶既雪水，踩過踏去之後盡是一片灰黑 本人有點點潔癖，如果彈到衫褲，可真是欲哭無淚 點擊圖片放大 +2 Mathallen附近就有一間Rema1000，據說就係挪威比較平價的超市之一 作為超市迷，唔入去行一轉真係唔會甘心 呢間Rema1000都算大，食物方面真係應有盡有咁 見到有唔少三文魚刺身三文魚扒等等，價位仲要幾平，真係好想即買即食 不過一早已訂目標，唯有買支Imsdal礦泉水蜜桃茶 NOK20.9解解渴啦 第二站食店Restaurant Schrøder就係傳統挪威菜，並非貴夾唔飽既高級餐廳 今次難得搵到平價家常店，仲要開緊門又攝到位，埋單每人不過百五港紙： https://blog.ulifestyle.com.hk/blogger/timjaisweety/2016/05/2016-%E4%B8%8D%E8%B5%B0%E5%A0%82%E5%9C%A8%E6%8C%AA%E5%A8%81%E8%A1%8C%E8%B5%B0-restaurant-schroder/ 另一間既平價超市就正正係我地晚餐餐廳既對面，十分方便食完就有得行 Kiwi感覺有少少便利店結局，但其實佢都係超市，但就細間過之前既Rema1000 買完早餐，快手快腳衝番去Hostel歇一歇，然後就係計劃翌日行程既時間啦……
