0: Stockholm Arlanda Airport(ARN)> Oslo Airport(OSL)> Oslo Sentralstasjon> Fiskeriet 其實冇諗過黎到瑞典一個星期都未有就要出走一下 但趁住有三日假期，「諗住」黎個暖些少既小旅行 連續三四日上網睇住天氣預告，好似話挪威首都Oslo會升到正五六度，甚至十度 對比起連日來負度數既瑞典，「奧斯陸」顯然是好去處 （唔知點解唔少人聽到佢中文名會笑，有少少似啲超人既名？ 快快手快快眼上網搵機票搵住宿，但竟然陷入不能網上付款的問題 試了無數次，原來網站本身有問題，加上我的卡有一次性密碼，要改資料也需時 好在友人為我們先墊支，幾日後番到去就見到恆生都幫手更新好了 其實旅行就真係要帶埋個編碼器，反正細細個，係驚佢冇電姐 今次搭既係平價航空Norwegian Air：https://www.norwegian.com/ 由於我唔係住正Stockholm，而係附近既Solna，所以晨咁早天未光就出門等車 話說諗諗下就覺得膠到不行，我不如直接搭火車去機場啦，仲番市中心搭機場巴士？ 不過算啦，第一次咁早去，下次可能晏少少機先試其他方法 意外地發現頭幾班地鐵個地下係非常地乾淨，同埋冇咩人靜靜地又快又舒適 點擊圖片放大 講開，其實我就搭呢間Air Shuttle：http://www.airshuttle.se/ 可以上網訂飛，會平啲，加上16至26歲會有青年價（係，我仲係青年好冇，係個樣老姐 Online Youth Price 89kr一程，65歲以上老人同價，成人為99kr，Offline訂加10kr 友人訂的是這家Flygbussarna：http://flygbussarna.se/，班次比較多，但冇特價貴10kr 訂既時候就咁揀單程定來回，但其實冇平，分開買同同時買都冇分別 同埋係唔使填日期時間，總之你有張飛（非劉備或關羽），就可以任你揀，限期四個月 訂完會收到電子車票，有Bar Code，上車時俾司機Scan就得 點擊圖片放大 因為我搭既巴士班次唔密，要準確地預鬆時間，所之之前果日已經視察過個站位 有幾個站，頭站一出T-Centralen轉後就見到，不過其中一架俾偽的士擋住截客 到站果下偽的士司機就問我係咪要搭車，可以計平啲lol 被擋果班巴士個司機又幾好人咁叫我搭另一部同公司既以免遲到 跟手上左車等緊其他客既時候，個司機就去幫手叫條友走，我就係度用Free Wifi 車程大約係35分鐘，驚塞車先早出門，但慢慢郁等等下都差唔多時間 WTF死肥仔，食完輕早餐之後，在等候友人們的同時，我又係度咬肉桂卷 Kanelbullar 想講還是Lidl買最平……一路見到都係10kr三個，出面有時一個都買唔到 等著等著，邊試用Check-in機，可惜點Scan都係過唔到 本身諗住排隊去櫃台，唔洗寄行李，純Hand Carry應該好快就得 與此同時，上網睇睇下先發現冇寄艙就可以直接過左安檢先，係登機閘口Check-in 點擊圖片放大 輕輕鬆鬆鄧梓峰，檢查完行李之後仲有一段時間，9遊一會後還是用下Wifi算 加上登機閘口附近有得叉叉電，順便睇下之後行程，查下地圖都冇壞 說時遲那時快，兩下子就排隊登機，本身開得一邊，之後開埋近我地果邊機就唔使排 但一開始又話掃唔到資料，都要打電話溝通一番先得，總算叫快手搞好冇問題 出左張收據……um…幾簡潔，其實就全程冇睇過證件，單純靠個Bar Code就上到機 點擊圖片放大 +2 上機後難得一見行李輸送中的樣子，外面正在下微雨，而我就安坐室內 十分短程的飛行，叫做有啲時間訓下 到達既時候證實中哂伏，又俾天氣先生Fake勁我…… 白皚皚的一片，加上從下而上漸漸滲透的涼意，大感不妙 到達機場後沒有怎樣的四處察看，唔使等拎行李，直出去搵買Oslo Pass既櫃位 官網寫係Ruter's Service Point at Oslo Airport (OSL)就會買到，但重點係個點係邊lol 一路諗點解係去Ruter's Service Point而唔係咩Information Centre或者Travel乜乜乜咁 去到先發現原來Oslo同Akershus既公共交通網絡係Ruter：https://ruter.no經營既 Oslo Pass：http://www.visitoslo.com/en/activities-and-attractions/oslo-pass/ 其實係一張薄薄的紙卡，72小時就已經要NOK620，但其後發現真係用唔著 點用唔著就遲下再講，但佢聲稱就可以免費去一系列既展館景點同Walking Tour 任搭公共交通工具，有揸車既可以去某啲停車場免費泊車 去室外泳池（唔識游，加上體感溫度負度我真係游條春:^)） 仲有……觀光演唱會滑雪租單車主題公園爬山餐飲購物娛樂等等既折扣 是拎但，首先挪威版既機場快綫就冇得折，因為唔同公司…… Flytoget：http://www.flytoget.no/ 可以上網用手機App買都得，咁就可以揀學生優惠，到時嘟下QR Code就得 否則人手櫃位就係見機場有，就算係中央車站都係得一堆售票機 用卡既話要有PIN Code先可以付費，另外有好方便既一擦即買機，但就冇得揀優惠了 再唔係搭NSB：https://www.nsb.no/en/frontpage，其實仲平，普通價同前者學生價相約 點擊圖片放大 個人而言認為佢幾乾淨，算快啦，20分鐘左右就到 途經Lillestrøm，只想說不要下錯車，Oslo Lufthavn至Oslo S（Oslo Sentralstasjon） 點擊圖片放大 結果出到去就只是一個勁兒地去尋找午餐聖地，因為同行友人們似乎餓到不行了 然後路過一個多層商場，呃……忍不住衝動想爆發購物慾 Sale, Further Sale, Final Sale...算數啦窮拎！ 旋風式來到頗有人氣而性價比高的海鮮店－－Fiskeriet食第一餐挪威海鮮 陸續有黎，但係今餐立食下先：https://blog.ulifestyle.com.hk/blogger/timjaisweety/2016/03/2016-%E4%B8%8D%E8%B5%B0%E5%A0%82%E5%9C%A8%E6%8C%AA%E5%A8%81%E8%A1%8C%E8%B5%B0-fiskeriet/
