想睇芒草但又唔想行大東山🌿🌾？想搵無人之境拍下拖？想拍出MV大片之荒涼感？依篇文章就幫到你啦～今日介紹嘅不是行山路線，而是人煙稀少，甚少人駐足留意的香港聯合船塢🚤⛵️⛵️。香港聯合船塢位於青衣茜草灣西北方，面朝馬灣美景，俯瞰青馬大橋。交通便利，基本上無需腳骨力，落小巴後步行約莫十分鐘即可到達。事不宜遲，我地立即開始今日嘅行程～於小巴總站香港聯合船塢下車後直走，約兩三分鐘後會看見船塢工地入口🚸。值得留意的是，由於工地有連夜工程進行，水泥車進出頻密，地面長年濕滑及有水泥等化工材料。行走期間不妨多左右張望，留意大型車輛⚠️。下圖為落小巴後行走5分鐘所見視野，朝著青馬大橋方向行走便是。 看見船塢工地入口時，向最右手面狹窄小路拐進。 直走並留意右邊缺口處（箭嘴示意位置）。 放眼望去盡是荒涼，有似曾相識嘅感覺。（有無ching記得邊個MV係依到拍過，不妨留意話我知，事關我諗咗一日都無咩頭緒🙁） 估唔到十二月頭芒草仍盛，大家快D捉緊時間入去啦～ 芒草已接近尾聲，雜草叢生且佈滿荊棘的小路極度介腳！！！建議著長褲👖，真係會介到一腳血。。（可能我比較孱，但極度建議著條長褲 保護下對腳嘛。。） 入口直走便是小石灘，在此觀賞日落更是絕佳位置。當日筆者到訪亦有數位攝影者和釣魚人士🎣。 往石灘右邊行，會有岸邊巨石陣（圖中為。。erm 入口）。 筆者淆底，當日未敢走進岩石攤邊，因此煩請男友代勞。 回程時偷望多次石灘仔，趁著暖冬睇日落🌄，真係好靚～（左邊綠色建築物群，便是入口處船塢工地。） Follow更多動態 @haileyu_FB page：@希靈魚郊遊日誌喜歡不妨留下一個Like，有路線/ 行程問題皆可於Facebook Inbox查詢📖。【會儘快回覆🙏🏻🙇🏻♂️！】 交通資訊葵芳地鐵站B出口乘搭88M小巴🚇（往香港聯合船塢方向），搭至總站下車。車資：$7.7【落車就開始好多水泥車穿梭，大家要小心過馬路】（謹記小巴站位於巴士總站裡，並非葵涌廣場外的小巴站～利申我行足咁多個小巴站，真係唔好學我。。😕）
