希臘人非常之咁重視聖誕節同埋新年，會聚埋一齊慶祝，會夜晚11點先開始食晚餐（平時佢哋閒閒地都夜晚10點先食），一邊食一邊倒數，然後最重要嘅環節係，切開一個叫做Vasilopita，兼且攝咗一個銅錢嘅大蛋糕/ 批/ 麵包，象徵分享好運，邊個分到有銅錢果件就代表佢喺新一年特別有運行。 點擊圖片放大 +2 至於點解有呢個傳統，事緣希臘係無聖誕老人嘅，但佢哋有一位聖人叫做Agios Vasilis，（據聞佢身形瘦削，同肥嘟嘟嘅Santa Claus好大分別），佢會焗一啲攝咗錢嘅蛋糕，然後分俾有需要嘅人食（又食又拎咁囉！幾開心！）而呢位聖人嘅命名日係喺1月1號，所以希臘人會喺新年切呢款以呢位聖人Vasilis個名命名嘅Vasilopita蛋糕。 除咗Vasilopita蛋糕，仲有兩種聖誕節同新年限定嘅傳統食品，分別係白色嘅Kourabiedes糖粉杏仁餅同埋啡色嘅，Kourabiedes比較爽口，少少甜易入口，而Melomakarona鋪咗一層厚厚嘅蜂蜜，我嘅極限只係食到兩粒。 Kourabiedes糖粉杏仁餅 Melomakarona蜂蜜肉桂餅 教多大家一句希臘文：Χρóνια πολλά，代表Many Years長命百歲，happy new year！
