作為比朋友稱為「黑仔王」嘅我，成日都會因為冇做功課而唔小心去左啲黑店做Treatment，結果比人劏到一頸血....😭不過久而久之我都因為咁，開始識得做下功課同識得應對啲sales！結果今次又好唔小心地，衝動消費下又比左錢去左間「黑店」做Treatment...因為小妹本身好易M痛，但又真係好怕飲中藥，所以就一直都睇緊一啲暖宮療程。而咁岩就係見到Miris SPA 嘅廣告賣緊個草本暖宮經絡調理療程，睇落幾好又幾平就直接book位比錢了。點知到我真係去緊嘅途中真係上網search先發現Miris SPA 係黑店嘅評論🥲不過都已經去緊，就諗住見步行步，有咩事就用經驗打救自己...今次我去左Miris SPA 銅鑼灣分店，入到去都係簡單登記就入房做Treatment。而入到房環境又比我想像中ok，起碼有得睇下景，心情都好啲。 而治療師入到黎都有再同我detail講多少少個療程功能，其實係主打疏通經絡、增強氣血，有溫暖子宮效果，改善血液循環。聽落就岩晒我本身嘅需要🫡點擊圖片放大 平心而論，做Treatment嘅時候係真係好舒服，按我小腿嘅時候係feel到手勢有驚喜，佢按得好到位，真係舒緩到我嘅疲勞。而暖宮個part做嘅時候都feel到身體手腳好快開始發暖，舒服到好快就訓着左~😴完左個療程就到我最緊張嘅環節，到底Miris Spa係咪會好似以前啲黑店咁會迫我買Package呢？會唔會又要諗盡方式甩身呢？最後的確有請我入房，不過都係輕輕同我介紹一下我做嘅暖宮經絡調理療程嘅Package，如果冇興趣就可以直接離開了。所以真係好好彩今次我呢個黑店中伏王冇中到伏，仲enjoy到一個好舒服嘅療程。
